मानव बेचबिखनको आरोपमा एक जना पक्राउ

असोज १०, २०७५ बुधबार १८:४:४२ | जयराज अवस्थी

असोज – मानव बेचबिखनको आरोपमा बैतडी प्रहरीले बुधबार एकजनालाई पक्राउ गरेको छ ।

पक्राउ पर्नेमा बैतडीको सिगास गाउँपालिका २ गाँजरीकी २५ वर्षकी देवकी ढाँट रहेका इलाका प्रहरी कार्यालय पाटन बैतडीका इञ्चार्ज प्रहरी निरीक्षक राजेन्द्रबहादुर सिंहले जानकारी दिनुभयो ।

प्रहरीले उनलाई घरबाटै पक्राउ गरेको हो । पक्राउ परेकी महिला ढाँटमाथि गएको असारमा बैतडीको सिगासकी २८ वर्षकी एक महिलालाई बिहे गर्छु भनी ललाई फकाई भारतको बैङ्गलोर पुर्याई बेचबिखन गर्न खोजेको आरोप छ ।

यसअघि मंगलबार प्रहरीले त्यसै घटनामा संलग्न डडेल्धुरा आलिताल गाउँपालिका ८ सिस्नेका ४५ वर्षका गणेश विष्टलाई पक्राउ गरी मानव बेचबिखन तथा ओसारपोसार सम्बन्धी मुद्धा दर्ता गरेर उनीमाथि अनुसन्धान थालिसकेको छ ।

अदालतबाट सात दिनको म्याद थप गरेर प्रहरीले अनुसन्धान गरिरहेको प्रहरी निरीक्षक सिंहले बताउनुभयो । पक्राउ परेकी महिलामाथि समेत मुद्दा दर्ता भइसकेको प्रहरी निरीक्षक सिंहले जानकारी दिनुभयो । पक्राउ परेकी ढाँटले महिलालाई भारत लैजान फोन सम्पर्क गराइएको आरोप लागेको छ ।

यसअघि पीडित महिलाले सोमबार गरेको उजुरीको आधारमा प्रहरीले उनीहरुको खोजी कार्य गरेको थियो । मानव बेचबिखनको आरोप लागेका डडेल्धुरा आलिताल ८ का ५० वर्षका शंकर अवस्थी र २८ वर्षका ललित बिक अझै फरार रहेका छन् । उनीहरुलाई पक्राउ गर्न डडेल्धुरा प्रहरीलाई बैतडी प्रहरीले पत्र लेखिसकेको छ ।

पीडित महिलालाई उनका आफन्तले भारतबाट उद्धार गरी केही दिन अगाडि मात्रै नेपाल ल्याएका थिए ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्