‘महानगरसँग भएको सहमति कार्यान्वयन नभई बञ्चरेडाँडामा फोहर थुपार्न दिँदैनाैँ’

साउन ३, २०८० बुधबार १७:१०:४५ | उज्यालो सहकर्मी

काठमाण्डाै – नुवाकोटको ककनी गाउँपालिका र धादिङको धुनीवेशी नगरपालिकाका बासिन्दाले काठमाण्डाै महानगरपालिकाले यसअघि गरेको सहमति कार्यान्वयन नगर्दासम्म बञ्चरेडाँडामा फोहर व्यवस्थापन गर्न नदिने अडान लिएका छन् ।

एक वर्षअघि काठमाण्डाै महानगर र प्रभावित क्षेत्रका बासिन्दाबीच भएको सहमति कार्यान्वयन नभएको भन्दै स्थानीयले साउन १ गतेदेखि बञ्चरेडाँडामा फोहर व्यवस्थापन गर्न दिएका छैनन् । माग पूरा नहुँदासम्म अवरोध कायमै रहने ककनी गाउँपालिकाका अध्यक्ष सुमन तामाङले बताउनुभयो । स्थानीय बासिन्दाको अवरोधकै कारण यसअघि पनि पटक–पटक काठमाण्डाै उपत्यकाको फोहर व्यवस्थापनमा समस्या हुँदै आएको थियो । यस पटक फेरि स्थानीयले अवरोध गर्दा काठमाण्डाैमा फोहर थुप्रिन थालेको छ ।

यसैबीच ल्यान्डफिल्ड साइट क्षेत्रका प्रभावित स्थानीयवासी र शहरी विकास मन्त्रालयबीचको बैठक विना निष्कर्ष सकिएको छ । ककनी गाउँपालिकाका अध्यक्ष, वडाध्यक्ष तथा स्थानीयवासी र शहरी विकासमन्त्री सीता गुरुङसहित बसेको बैठक विना निष्कर्ष सकिएको हाे ।

बैठकपछि ल्यान्डफिल्ड साइट प्रमुख रविन्द्र बोहोराले सरोकारवाला र सरकारबीच भएको छलफल विना निष्कर्ष सकिएको बताउनु भयो । ककनी गाउँपालिका वडा नम्बर ३ का अध्यक्ष धनराज बजगाईंले आईतवार काठमाण्डाै महानगरपालिकालगायत १७ वटा पालिकासँग छलफल गर्ने तयारी रहेकाले त्यसपछि मात्रै फोहरमैला व्यवस्थापन कसरी गर्ने भन्ने निष्कर्षमा पुग्ने बताउनु भयो ।

१५ वर्षदेखि सिसडोलमा व्यवस्थापन हुँदै आएको उपत्यकाको फोहर गएको वर्षको भदौ ७ गतेदेखि बञ्चरेडाँडामा व्यवस्थापन गर्न थालिएको हो । अहिले काठमाण्डाै उपत्यकाका १८ वटा पालिकाबाट दैनिक तीन सय गाडी फोहर बञ्चरेडाँडामा व्यवस्थापन गरिँदै आएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘महानगरसँग भएको सहमति कार्यान्वयन नभई बञ्चरेडाँडामा फोहर थुपार्न दिँदैनाैँ’

फाइल फाेटाे

तपाईको प्रतिक्रिया