कतारकाे दाेहामा नेपाली नागरिकमाथि सा‌ंघातिक आक्रमण, एक जनाकाे ज्यान गयाे, ५ घाइते

साउन २९, २०७६ बुधबार २१:०:३९ | उज्यालो सहकर्मी

फाइल फाेटाे

काठमाण्डौ – मंगलबार साँझ कतारको राजधानी दोहामा रहेको जैदा पार्कमा भएको सांघातिक आक्रमणमा परि एक जना नेपालीको ज्यान गएको छ । साथै आक्रमणमा परि ५ जना नेपाली नागरिक घाइते भएको दोहामा रहेको नेपाली राजदूतावासले जनाएको छ ।

आक्रमणमा परि सुनसरी घर भएका तबरेज अन्सारीको ज्यान गएको राजदूतावासले जनाएको छ । अन्सारीको शव घटनाको आवश्यक अनुसन्धान तथा कानुनी प्रक्रियाका लागि हमाद अस्पतालको शव गृहमा रहेको राजदूतावासले जानकारी दिएको छ । नेपाली नागरिकमाथि किन र कसले आक्रमण गर्यो भन्ने कुरा दूतावासले केही जानकारी दिएको छैन ।

त्यस्तै आक्रमणमा परि घाइते भएका मध्ये गम्भीर अवस्थामा रहेका उमर अन्सारीको हमाद अस्पतालकै आईसीयूमै उपचार भैरहेको र इब्राहिम अन्सारी र नौसाद अन्सारी खतरामुक्त अवस्थामा उपचाररत रहेको दूतावासले जनाएको छ ।

त्यस्तै घटनामा घाइते भई प्रहरीको नियन्त्रणमा रहेका अकबर मिया र महसुद अन्सारी नेपाली राजदूतावासको टोलीको पहलमा रिहा हुनु भएको छ । घाइतेहरु सबै सुनसरीका बासिन्दा रहेको समेत दूतावासको विज्ञप्तिमा उल्लेख छ ।

मृतक र घाइतेहरुको विस्तृत विवरण परराष्ट्र मन्त्रालयमार्फत सम्बन्धित परिवारलाई उपलब्ध गराइने दूतावासले जनाएको छ । त्यस घटनामा संलग्नलाई प्रहरीले नियन्त्रणमा लिएर स्थानीय कानुनबमोजिम कारबाही प्रक्रिया अगाडि बढाएको छ ।

यस प्रकारका घटनालाई मध्यनजर गर्दै दूतावासले अनावश्यक भिडभाड हुने ठाउँमा नजान कतारमा रहेका नेपाली नागरिकलाई आग्रह गरेको छ । त्यस्ता ठाउँमा जानै पर्ने भएमा सतर्कता अपनाउनसमेत दूतावासले आग्रह गरेको छ ।

दूतावासकाे विज्ञप्ति

1 Comments

Bishnu dhakal
Aug. 15, 2019, 10:41 a.m.
हत्यामा संलग्न भएकालाई मृत्युदण्ड दिनुपर्छ, ता कि आउने दिनमा यस्ता घटना दोहोरिने छैनन् , साथै परिवारले ब्लड मनिको माग गरेतापनि सम्पूर्ण कतारवासी नेपालीले पैसा जम्मा गरि परिवारमा पुर्याउनेछौं र कुनै हालातमा कतारको कानून अनुसार मृत्युदण्ड माग गर्नुपर्छ / यो दु:खको घडीमा परिवारमा धैर्य धारण गर्ने शक्ति मिलोस्, हार्दिक श्रद्धाञ्जली !!

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

कतारकाे दाेहामा नेपाली नागरिकमाथि सा‌ंघातिक आक्रमण, एक जनाकाे ज्यान गयाे, ५ घाइते

फाइल फाेटाे

1 Comments

Bishnu dhakal

तपाईको प्रतिक्रिया