खोपको पूरा मात्रा लगाएकाको लागि कतारले हटायो क्वरेण्टीन र पीसीआर परीक्षणको नियम

फागुन १३, २०७८ शुक्रबार ११:९:२५ | उज्यालो सहकर्मी

फाइल फाेटाे

काठमाण्डौ – तपाईँ वैदेशिक रोजगारी वा अन्य सिलसिलामा कतार जाँदै हुनुहुन्छ ? यदि जाँदै हुनुहुन्छ भने कतारको स्वास्थ्य मन्त्रालयले पछिल्लो समय जारी गरेको स्वास्थ्यका मापदण्डबारे थाहा पाउनुहोस् ।

कतारले फागुन १६ गते अर्थात् फेब्रुअरी २८ देखि लागू हुने गरी कतार यात्रा गर्ने यात्रुहरूका लागि स्वास्थ्यका मापदण्डमा परिमार्जन गरेको खबर कतार ट्रिब्युनले लेखेको छ ।

परिमार्जित मापदण्ड अनुसार खोपको मात्रा पुरा लगाएका कतार नागरिक र कतारमा बसोबास गर्नेहरूले यात्रा गर्नुअघि पीसीआर परीक्षण गर्नु पर्ने र त्यहाँ पुगेपछि क्वरेण्टीनमा बस्नु पर्ने नियम हटाएको छ । कतार सरकारको नयाँ नियम रातो र हरियो सूचीमा भएका दुवै देशबाट यात्रा गर्नेहरूका लागि लागू हुने छ । नेपालसहित बङ्गलादेश, भारत, इजिप्ट, जर्जिया, जोर्डन, पाकिस्तान, फिलिपिन्स र श्रीलंकालाई कतारले अहिले रातो सूचीमा राखेको छ ।

रातो सूचीमा परेका देशबाट यात्रा गर्ने कतारी र अन्य नागरिकले यदि खोपको मात्रा पूरा लगाएका छन् या कोरोना निको भएका छन् भने त्यहाँ पुगेपछि क्वरेण्टीनमा बस्न पर्ने छैन । तर यदि खोपको मात्र पूरा लगाएको छैन या प्रतिरक्षा प्रणालीको विकास भएको छैन भने पाँच दिन होम आइसोलेसनमा बस्न पर्नेछ । उनीहरूले प्रस्थान पूर्व गर्नु पर्ने पीसीआर परीक्षण अनिवार्य गर्नु पर्नेछ ।

कोरोनाको खोप लगाएकाहरूले पनि कतार पुगेको २४ घण्टाभित्र -यापीड एन्टिजेन परीक्षण भने गर्नु पर्नेछ ।

खोप नलगाएकाहरुले भने कतार पुगेको पहिलो दिनमा पीसीआर परीक्षण र ५ औं दिनमा -यापीड एन्टिजेन परीक्षण गर्न पर्नेछ ।

कतारमा भिजिटरको रूपमा जानेहरूले भने खोपको मात्रा पूरा लगाएको भए पनि एक दिन होटल क्वरेण्टीनमा बस्न पर्ने छ । तर खोप नलगाएका भिजिटरलाई भने कतारले प्रवेश अनुमति दिने छैन । तर खाडी राष्ट्रका नागरिक भने पाँच दिन क्वरेण्टीनमा बस्ने सर्तमा कतार प्रवेशको अनुमति पाउनेछन् ।

भिजिटरको रूपमा जाने सबै यात्रुले प्रस्थान पूर्व पीसीआर परीक्षण गर्न पर्ने छ ।

1 Comments

Deben kishor anjan
Feb. 25, 2022, 11:43 a.m.
अतिनै उत्तम अब भने आवत जावतमा कुनै झन्जट नआउने भएछ

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

खोपको पूरा मात्रा लगाएकाको लागि कतारले हटायो क्वरेण्टीन र पीसीआर परीक्षणको नियम

फाइल फाेटाे

1 Comments

Deben kishor anjan

तपाईको प्रतिक्रिया