अमेरिकाले सिरियाका नेता अल–शराको टाउकोबारे घोषणा गरेको पुरस्कार हटायो

पुष ६, २०८१ शनिबार १२:१०:४० | एजेन्सी

अमेरिकाले सिरियाका नयाँ नेता अहमद अल–शराको टाउकोबारे घोषणा गरेको इनाम हटाएको छ । अल–शरामाथि अमेरिकाले यसअघि एक करोड डलर पुरस्कार राखेको थियो ।

अमेरिकाले वरिष्ठ कूटनीतिज्ञ र हयात तहरीर अल–शाम (एचटीएस) का प्रतिनिधिसँगको भेटपछि पछिल्लो कदम चालेको अन्तर्राष्ट्रिय सञ्चारमाध्यमले जनाएका छन् ।

अल–शरा विद्रोही समूह हयात तहरीर अल–शामका प्रमुख हुनुहुन्छ । अमेरिकी सहायक विदेशमन्त्री बारबरा लीफले अल–शरा निकै व्यावहारिक भएको बताउनुभएको छ ।

सिरियाली राष्ट्रपति बशर अल असदलाई सत्ताबाट हटाएपछि अमेरिकी प्रतिनिधिमण्डल सिरिया पुगेको थियो । राष्ट्रपति असदलाई बहिर्गमन गराउन मुख्य नेतृत्व एचटीएसले गरेको थियो ।

अमेरिकाले अल–शराको सङ्गठनलाई अझै पनि आतङ्कवादी सङ्गठन मानेको छ । यो सङ्गठनको अल कायदासँग सम्बन्ध छ ।

यसैबीच राष्ट्रपति बशर अल–असदको पतनपछि पुनर्निर्माणमा मद्दत गर्न सिरिया माथिको अन्तर्राष्ट्रिय प्रतिबन्धबारे पुनर्मूल्याङ्कन गर्नुपर्नेमा संयुक्त राष्ट्र सङ्घले जोड दिएको छ ।

राष्ट्र सङ्घको आप्रवासन एजेन्सीका प्रमुख एमी पोपले नयाँ समाज निर्माण गर्न र स्थिरता ल्याउन पूर्ण भूमिका खेल्न आवश्यक रहेको बताउनुभयो । तर अन्तर्राष्ट्रिय समुदायले अहिलेसम्म एचटीएसका सदस्यमाथिको प्रतिबन्ध हटाउन पहल गरेका छैनन् ।

एमी पोपले कार्यवाहक सरकारलाई पुनर्निर्माणमा महिलाको भूमिका लागि थप सशक्त र सक्षम बनाउनसमेत आग्रह गर्नुभएको छ ।

अन्तिम अपडेट: पुस १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकाले सिरियाका नेता अल–शराको टाउकोबारे घोषणा गरेको पुरस्कार हटायो

तस्बिर : एजेन्सी

तपाईको प्रतिक्रिया