भ्रमण र पर्यटक भिसासम्बन्धी नयाँ कार्यविधि : के–के कागजात चाहिन्छ ? (पूर्णपाठ)

माघ ९, २०८० मंगलबार १८:३:१९ | उज्यालो सहकर्मी

फाइल तस्बिर

काठमाण्डाै – सरकारले भ्रमण र पर्यटकीय भिसामा विदेश जानेहरूलाई प्रस्थान अनुमति दिने प्रक्रियालाई सरल बनाएको छ । गृह मन्त्रालयअन्तर्गतको अध्यागमन विभागले बनाएको यो कार्यविधि भोलिदेखि लागू हुनेछ । यसअघि २०७८ फागुन २५ गते जारी भएको नेपाल सरकार (सचिवस्तर) को निर्णय खारेज गर्दै गृह मन्त्रालयले नयाँ ६ बुँदे कार्यविधि जारी गरेको हो ।

नयाँ कार्यविधिअनुसार भ्रमण र पर्यटकीय भिसामा विदेश जानेहरूका लागि राहदानी, भिसा, टिकट, होटल बुकिङ वा आफन्तले व्यवस्था गरेको कागजात, भ्रमणको खर्च बेहोर्ने सरकारी तथा गैरसरकारी संस्थाको निमन्त्रणा पत्र वा ५ सय अमेरिकी डलर बराबरको नगद सटही भएको प्रमाणपत्र र फर्किने स्वघोषणको कागजात चाहिनेछ ।

अध्यागमन विभागले घुम्न र परिवार भेट्न विदेश जानेहरूले सेटिङको नाममा बिचौलियालाई पैसा नबुझाउन, भ्रमण र पर्यटकीय भिसामा विदेशमा गएर श्रमसँग सम्बन्धित काम नगर्न आग्रह गरेको छ । भिजिट र पर्यटक भिसा लिएर विदेशमा गई कामको खोजी गर्दा सम्बन्धित देशको कानुनअनुसार कारबाहीमा परिने कार्यविधिमा उल्लेख छ । विदेश जानुअघि सम्बन्धित देशको भाषा, संस्कृति र कानुनसम्बन्धी सामान्य जानकारी राख्न विभागको आग्रह छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)