इजरायल र हमासबीच युद्धविराम र बन्धक रिहा गर्ने सम्झौतामा ९० प्रतिशत प्रगति

पुष ७, २०८१ आइतबार ६:१८:२७ | एजेन्सी

इजरायल र हमासबीच युद्धविराम र बन्धक रिहा गर्ने सम्झौतामा ९० प्रतिशत प्रगति भएको प्यालेस्टाइनले जनाएको छ । वार्तामा संलग्न एक वरिष्ठ प्यालेस्टिनी अधिकारीले बीबीसीलाई बताएअनुसार वार्तामा ९० प्रतिशत प्रगति भएको छ तर, केही मुख्य मुद्दाहरूमा समाधान बाँकी रहेको छ ।

इजिप्टको सीमामा रहेको दक्षिणी गाजाको रणनीतिक रूपमा महत्त्वपूर्ण भूभाग फिलाडेल्फिया कोरिडोरमा इजरायली सेनाको निरन्तर उपस्थिति हटाउने विषयमा सहमति हुन नसकिरहेको प्यालेस्टाइनले जनाएको छ ।

कतारको दोहामा भइरहेको छलफलको गाजासँगको इजरायलको सीमाको बफर जोनको लम्बाई बढाउने विषय पनि समावेश छ । यो क्षेत्रमा इजरायली सेना खटिनेछ । यी मुद्दाहरूको समाधान भएपछि, तीन चरणको युद्धविरामबारे केही दिनभित्रै सहमति हुन सक्ने वार्ताकारले बताएका छन् ।

सम्झौता भएपछि इजरायलले हरेक दिन २० जना प्यालेस्टाइनी कैदी रिहा गरेवापत हमासले एक जना इजरायली महिला सैनिकको रिहाई गर्नेछ । इजरायलमा २५ वर्षभन्दा धेरै समय जेल सजाय भोगिरहेका झन्डै चार सय जना कैदीलाई छुटाउनुपर्नेछ । गाजामा ९६ जना बन्धकहरूमध्ये ६२ जना अझै जीवित रहेको इजरायलले अनुमान गरेको छ ।

यस्तै इजिप्ट र कतारको निगरानीमा उत्तरी गाजामा नागरिक फर्कन पाउने छन् र गाजामा हरेक दिन पाँच सय ट्रकका दरले सहायता सामग्री लैजान दिइनेछ । तीन चरणको योजनाको अन्तिम चरणमा १४ महिनाको युद्धको अन्त्य घोषणा हुनेछ । अमेरिकाले पनि गाजा युद्धविरामको लागि नयाँ प्रयास शुरु गर्ने बताएको छ । जसले गर्दा युद्ध रोकिने आसा पलाएको अधिकारीहरुले बताएका छन् ।

गएको वर्षको अक्टोबरमा हमासले १२ सय जनाको ज्यान जानेगरी हमासले इजरायलमा आक्रमण गरेको थियो, भने दुई सय ५१ जनाको अपहरण गरेको थियो । त्यसको जवाफमा इजरायलले गाजा ध्वस्त पारेको छ भने ४५ हजार जनाको ज्यान गएको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इजरायल र हमासबीच युद्धविराम र बन्धक रिहा गर्ने सम्झौतामा ९० प्रतिशत प्रगति

तस्बिर : एजेन्सी

तपाईको प्रतिक्रिया