माओवादी केन्द्रको स्थायी समिति बैठक : प्रत्यक्ष निर्वाचित कार्यकारी राष्ट्रपतिको एजेन्डा उठाउनुपर्नेमा जोड

साउन २७, २०८१ आइतबार ९:४:४ | उज्यालो सहकर्मी

काठमाण्डौ – माओवादी केन्द्रको स्थायी समिति बैठकमा प्रत्यक्ष निर्वाचित कार्यकारी राष्ट्रपतिको एजेन्डा उठाएर अघि बढ्नुपर्नेमा जोड दिइएको छ । प्रमुख दुई दल कांग्रेस र एमालेको वर्तमान सत्ता गठबन्धनले स्थायित्वका लागि संविधान संशोधन गर्ने बताएका बेला सत्ता बाहिर रहेको माओवादीले कार्यकारी राष्ट्रपतिको एजेन्डा पुनः उठाउने गरी छलफल अघि बढाएको हो । स्थायी समितिको हिजोको बैठकमा नेताहरूले संविधान निर्माणका क्रममा थाती राखिएको प्रत्यक्ष निर्वाचित कार्यकारी राष्ट्रपतिको एजेन्डा पार्टीले पुनः अघि बढाउनुपर्ने धारणा राखे ।

बैठकपछि पार्टीका प्रवक्ता अग्निप्रसाद सापकोटाले माओवादी कार्यकारी राष्ट्रपतिमा जानुपर्छ भन्नेमा अडिग रहेको बताउनुभयो । प्रवक्ता सापकोटाले बैठकमा अध्यक्ष पुष्पकमल दाहाल प्रचण्डले पनि यही विषयलाई प्राथमिकताका साथ राखेको जानकारी दिनुभयो । अध्यक्ष प्रचण्डले बृहत् वाम एकताका लागि पहल गर्ने प्रस्ताव पार्टी स्थायी समिति बैठकमा राख्नुभएको छ । उहाँले समाजवादी मोर्चासँगै बृहत् वाम एकताका लागि पहल गर्ने प्रस्ताव गर्नुभयो ।

बैठकमा माओवादी नेताहरुले अब सरकारभन्दा सङ्गठन निर्माणलाई प्राथमिकता दिनुपर्ने धारणा राखेका छन् । उपमहासचिव वर्षमान पुन, सचिव चक्रपाणि खनाललगायतले अबको प्राथमिकता सरकार नभई पार्टी हुनुपर्नेमा जोड दिनुभयो । माओवादी केन्द्रको स्थायी समितिको बैठक अस्ति शुक्रवारदेखि केन्द्रिय कार्यालय पेरिसडाँडामा शुरु भएको हो । बैठकमा समसामयिक राजनीतिक अवस्था, विगतको समीक्षा र पार्टी निर्माणबारे छलफल केन्द्रित छ । बैठक आज पनि बस्दैछ ।

अन्तिम अपडेट: पुस १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

माओवादी केन्द्रको स्थायी समिति बैठक : प्रत्यक्ष निर्वाचित कार्यकारी राष्ट्रपतिको एजेन्डा उठाउनुपर्नेमा जोड

रासस

तपाईको प्रतिक्रिया