प्राधिकरणको प्रगतिबाट आत्तिएकाहरूले मविरुद्ध उजुरी दिए : कुलमान घिसिङ

साउन ३०, २०८१ बुधबार १७:१५:४७ | उज्यालो सहकर्मी

काठमाण्डाै – नेपाल विद्युत् प्राधिकरणका कार्यकारी निर्देशक कुलमान घिसिङले आफूविरुद्ध अख्तियारमा उजुरी दिएको विषयमा गम्भीर ध्यानाकर्षण भएको बताउनुभएको छ ।

कुलमान घिसिङले आफ्ना दाजुहरूको नाममा कम्पनी खोलेर र विद्युत् खरिद सम्झाैता (पीपीए) दिने क्रममा भ्रष्टाचार गरेको भन्दै पूर्व प्रहरी नायब महानिरीक्षक (डीआईजी) रमेश खरेलले हिजो अख्तियार दुरुपयोग अनुसन्धान आयोगमा उजुरी दिनुभएको थियो । खरेलले यसअघि पनि पत्रकारिताका सर्वमान्य सिद्धान्त र मूल्य मान्यता विपरीत आफू र आफ्नो परिवारको बद्नाम गराएकोमा अहिले अख्तियारमा उजुरी दिएको र उजुरीलाई सामाजिक सञ्जालबाट सार्वजनिक गरेर चरित्रहत्या गरेको घिसिङले बताउनुभएको छ ।

देशमा 'लोडशेडिङ' को अन्त्य गरेर विद्युतकाे क्षेत्रमा चौतर्फी विकास भएको अवस्थाबाट आत्तिएका केही व्यक्तिले आफू र आफ्ना परिवारका सदस्यविरुद्ध लाञ्छना लगाइरहेको दाबी गर्दै घिसिङले रमेश खरेलले उठाएका सबै विषयको खण्डन गर्नुभएको छ ।

त्यस्तै विद्युत् महसूल बक्यौता रकम असुल गर्न चालिएका कदमबाट आत्तिएका केही व्यक्ति तथा संस्था अहिले आफूविरुद्ध लागिरहेको दाबी गर्दै घिसिङले अझै निष्ठापूर्वक, इमानदार भएर कार्यकारी प्रमुखको रूपमा आफ्नो भूमिका पूरा प्रतिबद्धता जनाउनुभएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्राधिकरणको प्रगतिबाट आत्तिएकाहरूले मविरुद्ध उजुरी दिए : कुलमान घिसिङ

फाइल फाेटाे

तपाईको प्रतिक्रिया