सहकारी ठगीसम्बन्धी संसदीय छानबिन समितिले रवि लामिछानेसँग सोधपुछ गर्दै

भदौ ७, २०८१ शुक्रबार १२:६:५२ | उज्यालो सहकर्मी

काठमाण्डौ – सहकारी संस्था बचत रकम दुरुपयोग सम्बन्धमा संसदीय छानबिन विशेष समितिले आज राष्ट्रिय स्वतन्त्र पार्टी (रास्वपा) का सभापति रवि लामिछानेसँग सोधपुछ गर्ने तयारी गरेको छ ।

गोरखा मिडिया नेटवर्क प्रालिको पूर्व प्रबन्ध निर्देशकसमेत रहेका लामिछानेलाई आज सोधपुछका लागि बोलाइएको समिति सभापति सूर्य थापाले जानकारी दिनुभयो । समितिले गोरखा मिडिया नेटवर्कका सञ्चालक छविलाल जोशीलाई पनि अहिले सोधपुछ गरिरहेको छ ।

लामिछानेलाई भने दिउँसाे २ बजे बोलाइएको समितिले जनाएको छ । लामिछानेले जीबी राईसँग मिलेर ग्यालेक्सी टिभी सञ्चालन गर्न विभिन्न सहकारीबाट व्यक्ति र संस्थाको नाममा रकम लिएर अपचलन गरेको आरोप छ ।

पोखराको सूर्यदर्शन सहकारीबाट १० करोड, सहारा चितवन सहकारीबाट ११ करोड ७१ लाख, बुटवलको सुप्रिम सहकारीबाट १० करोड ७४ लाख गरी ३२ करोड ४५ लाख रुपैयाँ गोर्खा मिडियाको खातामा ट्रान्सफर गरेको आरोप लागे पनि लामिछानेले यसको खण्डन गर्दै आउनुभएको छ ।

संसदीय समितिले झन्डै तीन महिनादेखि सहकारी बचत हिनामिनामा छानबिन गरिरहेको छ । समितिले अहिलेसम्म सहकारी सञ्चालक, नियमन निकाय र सङ्घ–संस्थाका पदाधिकारीसहित ५० जनाभन्दा बढी व्यक्तिसँग बयान लिइसकेको छ ।

अन्तिम अपडेट: पुस १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सहकारी ठगीसम्बन्धी संसदीय छानबिन समितिले रवि लामिछानेसँग सोधपुछ गर्दै

फाइल तस्बिर

तपाईको प्रतिक्रिया