जलवायु प्रभाव न्यूनीकरण लक्ष्यमा अपेक्षाकृत प्रगति हुन सकेन

भदौ १८, २०८१ मंगलबार १८:३२:१८ | उज्यालो सहकर्मी

काठमाण्डाै – दोस्राे राष्ट्रिय जलवायु योजना (एनडीसी दुई) मा उल्लेखित लक्ष्यमा ३५ प्रतिशत मात्रै प्रगति हासिल भएको छ । विगत पाँच वर्षमा नेपालले जलवायु परिवर्तनको प्रभाव न्यूनीकरणका लागि गरेका कार्यहरूका आधारमा एनडीसीका लक्ष्य प्राप्तिको मूल्याङ्कन गरिएको हो ।

सरकारले सन् २०२० मा दोस्राे राष्ट्रिय जलवायु योजना (एनडीसी) बुझाएको थियो । सन् २०२० मा बुझाएको एनडीसीमा प्रतिबद्धता गरेअनुसार वन क्षेत्र जोगाउने सन्दर्भमा शतप्रतिशत प्रगति भए पनि अन्य लक्ष्यहरूमा अपेक्षाकृत प्रगति हासिल हुन सकेको छैन । फोहोरबाट हुने उत्सर्जन घटाउने, सार्वजनिक गाडीबाट निस्कने उत्सर्जन र कृषिबाट हुने उत्सर्जनका लक्ष्यमा खासै प्रगति हुन सकेको छैन ।

वन तथा वातावरण मन्त्रालयले राष्ट्रिय जलवायु योजना एनडीसी दोस्रको समीक्षा तथा तेस्राेको तयारीमा आयोजना गरेको कार्यक्रममा प्रगति अवस्थाबारे जानकारी गराएको छ । वन तथा वातावरण मन्त्रालयका जलवायु परिर्वतन महाशाखा प्रमुख बुद्धिसागर पौडेलले केही लक्ष्यहरूमा सन्तोष गर्ने अवस्था रहे पनि कतिपय लक्ष्यहरू हासिल गर्न नसकिएको बताउनुभयो ।

सन् २०३० सम्म उर्जा क्षेत्रमा हुने कुल मागको कम्तीमा पनि १५ प्रतिशत हरित ऊर्जाबाट आपूर्ति गर्ने प्रतिबद्धता रहेकोमा अहिले नाै प्रगति हासिल भएको र यो लक्ष्य प्राप्ति हुने उच्च सम्भावना रहेको उहाँले बताउनुभयाे । यस्तै सन् २०२५ मा २५ प्रतिशत निजी गाडी विद्युतीय ऊर्जाबाट चलाउने लक्ष्य रहेकोमा अहिले १२ प्रतिशत रहेको उहाँको भनाइ छ । सार्वजनिक गाडीमा लक्ष्य भेटाउन मुस्किल पर्ने देखिन्छ । यस्तै ४५ प्रतिशत वन क्षेत्र राख्ने लक्ष्य रहेकोमा अहिले नै लक्ष्य पूरा भइसकेको वन मन्त्रालयको दाबी छ ।

जलवायु परिवर्तनसम्बन्धी पेरिस सम्झौताअनुसार सबै देशले एनडीसी बनाउनुका साथै कार्यान्वयनको योजना बुझाउनुपर्ने प्रावधान छ । अब नेपालले सन् २०३५ सम्मको लक्ष्यसहित एनडीसी तेस्रो बनाउने तयारी गरेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्