विवाहका लागि जोधपुर पुगे प्रियंका चोपडा र निक जोनस

मंसिर १३, २०७५ बिहीबार १४:२३:५३ | उज्यालो सहकर्मी

प्रियंका चोपडा र निक जोनस विवाहका लागि बुधबार मुम्बईबाट राजस्थानको जोधपुर पुगिसकेका छन् ।

प्रियंका र निकको मुम्बईबाट जोधपुर जाने क्रममा एयरपोर्टमा लिइएका तस्बिरहरु सामाजिक सञ्जालमा छाइरहेका छन् । एयरपोर्टमा प्रियंका र निकले तस्बिरहरु पनि खिचाएका छन् ।

तस्बिरमा प्रियंका र निकका साथै केही आफन्तजनहरु पनि देखिएका छन् ।

मुम्बई एयरपोर्टमा प्रियंका र निक क्याजुअल ड्रेसमा देखिएका छन् । निकले सेतो रंगको टी–शर्ट र ट्राउजर लगाएका छन् माथिबाट ज्याकेट लगाएका छन् । प्रियंकाले कुर्ता र प्लाजो लगाएकी छिन् र माथिबाट रंगिन दुपट्टा ओढेकी छिन् ।

प्रियंका र निकले २८ नोभेम्बरमा प्रियंकाकी आमा मधु चोपडाको घरमा पूजा गरेका थिए । पूजामा प्रियंकाले निलो रंगको कुर्ता सुरुवाल लगाएकी थिइन् भने निकले गुलाबी रंगको पाइजामा कुर्ता लगाएका थिए ।

प्रियंका चोपडा र निक जोनसले डिसेम्बर २ र ३ मा विवाह गर्न लागेका छन् । यो जोडीले हिन्दु र क्रिश्चियन रीतिरिवाजमा विवाह गर्नेछन् । विवाहको कार्यक्रम जोधपुरको उम्मेद भवन प्यालेसमा हुनेछ ।

प्रियंकाले विवाहअघिका मेहन्दी, हल्दी र संगीतका कार्यक्रमका लागि मेहरान गढ फोर्टमा गर्ने योजना बनाएकी थिइन । तर अन्तमा यो स्थान परिवर्तन गरिएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्