डेडिकेटेड र ट्रङक लाइनको बक्यौता १५ दिनभित्र बुझाउन उपभोक्तालाई प्राधिकरणको अनुरोध

कात्तिक २९, २०८१ बिहीबार ९:२:३० | उज्यालो सहकर्मी

काठमाण्डौ – नेपाल विद्युत प्राधिकरणले डेडिकेटेड फिडर तथा ट्रङक लाइनबाट विद्युत लिएका उपभोक्तालाई १५ दिनभित्र बक्यौता महसूल बुझाउन अनुरोध गरेको छ ।

गएको आइतवार बसेको मन्त्रिपरिषद्को बैठक र मङ्गलवार बसेको प्राधिकरणको सञ्चालन समितिको बैठकले बक्यौता महसूल १५ दिनभित्र असुलउपर गर्ने निर्णय गरेको थियो ।

निर्णयअनुसार वितरण केन्द्रबाट सम्बन्धीत उद्योगको २०७२ माघदेखि २०७५ वैशाखसम्म टीओडी मिटरमा रेकर्ड भएको डिमान्ड तथा टी वान, टी टू, टी थ्री टाइम इन्टरभल मा रेकर्ड भएको खपत इनर्जीको आधारमा गणना गरिएको बिल छुट दिएको छ ।

बिलअनुसार बक्यौता महसूल १५ दिनभित्र अर्थात् आउँदो मङ्सिर १२ गतेभित्र सम्बन्धीत वितरण केन्द्रमा बुझाउन प्राधिकरणले आज सूचना निकालेर अनुरोध गरेको छ ।

तोकिएको समयमा बक्यौता महसूल भुक्तनी नभएमा नियमअनुसारको प्रकृया अगाडी बढाउने प्राधिकरणले चेतावनी दिएको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्