अमेरिकी विदेशमन्त्री ब्लिन्केन अचानक इराकको राजधानी बागदादमा

मंसिर २९, २०८१ शनिबार १२:१०:४९ | एजेन्सी

अमेरिकी विदेशमन्त्री एन्टोनी ब्लिन्केन अचानक इराकको राजधानी बागदाद पुग्नुभएको छ । अमेरिकी विदेशमन्त्रीले इराकका प्रधानमन्त्री मोहम्मद शिया अल–सुदानीसँग भेटवार्ता गर्नुभएको बीबीसीले जनाएको छ ।

ब्लिन्केन टर्कीको अङ्काराबाट अमेरिकी वायुसेनाको विमान सी–१७ मार्फत बागदाद पुग्नुभएको थियो । उहाँको इराक भ्रमण अमेरिकी दृष्टिकोणबाट निकै महत्त्वपूर्ण रहेको र सिरियाको अवस्थालाई हेर्दा इराकको महत्त्व बढेको खबरमा उल्लेख छ ।

इराक सिरियाको छिमेकी देश हो । सिरियाका क्षेत्रहरूमा तथाकथित इस्लामिक स्टेट समूहलाई नियन्त्रण गर्न र कमजोर पार्ने प्रयासमा अमेरिका र इराकको साझा चासो छ । अमेरिकी विदेशमन्त्री एन्टोनी ब्लिन्केनले आफ्नो इराक भ्रमणका क्रममा सिरियामा इस्लामिक स्टेट समूहको पुनः उदय हुन नदिन रणनीति बनाउन प्रयास गर्ने बताउनुभएको छ ।

इराकी प्रधानमन्त्रीसँगको वार्तापछि ब्लिन्केनले इराकले अन्य कुनै पनि देशको तुलनामा स्थिरताको आवश्यकतालाई बढी बुझेको बताउनुभएको खबरमा उल्लेख छ ।

गएको हप्ता विद्रोहीहरूले राजधानी दमास्कससहित देशका तीन ठूला शहरमा नियन्त्रण कायम गरेपछि राष्ट्रपति बसर अल–असद सिरिया छोडेर शरण लिन रुस पुग्नुभएको छ । असद पलायन भएपछि सिरियामा ठूलो राजनीतिक रिक्तताउत्पन्न हुने देखिएको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकी विदेशमन्त्री ब्लिन्केन अचानक इराकको राजधानी बागदादमा

गेटी इमेजेज

तपाईको प्रतिक्रिया