जय ट्रफी एलिट कप क्रिकेट : पुलिसले मधेशलाई एक पारी र ३५ रनले हरायो

पुष २५, २०८१ बिहीबार १४:२३:१६ | उज्यालो सहकर्मी

काठमाण्डाै – जय ट्रफी एलिट कप क्रिकेटको तेस्रो खेलमा नेपाल पुलिस क्लबले मधेश प्रदेशलाई एक पारी र ३५ रनले हराएको छ ।

खेलको दोस्रो दिन खाना समयपछि मधेश दोस्रो पारीमा ९४ रनमा अलआउट भयो । मधेशका विशाल पटेलले २७, मयन यादवले २२ रन बनाए । पुलिसका कुशल भुर्तेलले ५ विकेट लिए ।

यसअघि वीरगञ्जमा टस हारेर ब्याटिङको निम्तो पाएको मधेश पहिलो पारीमा १ सय २९ रनमा अलआउट भएको थियो । यस्तै पुलिसले पहिलो पारीमा ४ विकेट गुमाएर २ सय ५८ रन बनाउँदै पारी समाप्तिको घोषणा गरेको थियो ।

जय ट्रफी एलिट कप क्रिकेटको चौथो खेलमा त्रिभुवन आर्मी क्लब र बाग्मती प्रदेश खेलिरहेका छन् । दोस्रो पारीको ब्याटिङ गरिरहेको आर्मीले याे समाचार तयार पार्दासम्म ५ विकेट गुमाएर ९८ रन बनाएकाे छ । आर्मीले १ सय ७४ रनकाे अग्रता लिएकाे छ ।

यसअघि जनकपुरमा टस हारेर ब्याटिङ गरेको आर्मीले पहिलो पारीमा ५ विकेट गुमाएर २ सय ७६ रन बनाएको थियो । यस्तै बाग्मतीले पहिलो पारीमा ९ विकेट गुमाएर २ सय रन बनाउँदा पारी समाप्तिको घोषणा गरेको थियो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जय ट्रफी एलिट कप क्रिकेट : पुलिसले मधेशलाई एक पारी र ३५ रनले हरायो

तस्वीर : क्यान

तपाईको प्रतिक्रिया