अमेरिकाको लस एन्जलसको जङ्गलमा लागेको आगो हलिवुड हिल्ससम्म पुग्यो

पुष २५, २०८१ बिहीबार १५:११:५९ | एजेन्सी

अमेरिकाको लस एन्जलसको जङ्गलमा लागेको आगो हलिवुड हिल्ससम्म पुगेको छ । जङ्गलमा लागेको आलो हलिवुड हिल्ससम्म पुगेपछि डल्बी थिएटर, हलिवुड बाउल आउटडोर एमफी थिएटर र हलिवुड वाक अफ फेमजस्ता प्रसिद्ध ठाउँहरू खाली गराउन थालिएको बीबीसीले जनाएको छ । डल्बी थिएटरमा एकेडेमी पुरस्कार समारोहको आयोजना हुने गरेको छ ।

आगलागीका कारण हलिवुड वरपरका सडक अस्तव्यस्त भएको छ । सास फेर्न सजिलो होस् भनेर मानिसहरूले आफ्नो अनुहार स्वेटशर्टले ढाकेका छन् । धेरै मानिसहरू झोला र सुटकेसहरू लिएर जाने ठाउँ खोजिरहेका छन् ।

आगो लागिरहेका ठाउँको नजिकका धेरै सडकमा चहलपहल बढेको छ । यी सडकहरूमा प्रतिष्ठित हलिउड बुलेभार्ड र हलिउड वाक अफ फेम पनि समावेश छ । कतिपयले भाग्नका लागि गलत साइड प्रयोग गरिरहेका छन् ।

अहिले लस एन्जलस र यसको छिमेकी भेन्चुरा काउन्टीमा कम्तीमा पाँच वटा जङ्गलमा आगो लागिरहेको छ । आगलागीका कारण २७ हजार एकड क्षेत्रफल ध्वस्त भएको छ । आगलागीबाट लस एन्जलस र वरपर फिल्स स्टारहरूका घर समेत एक हजार वटाभन्दा धेरै संरचना नष्ट भएका छन् ।

आगलागीमा परी अहिलेसम्म पाँच जनाको ज्यान गएको पुष्टि भएको र एक लाख ३७ हजार जनाभन्दा धेरै मानिसलाई स्थानान्तरण गरिएको बीबीसीको खबरमा उल्लेख छ । लस एन्जलसको इतिहासमा यो सबैभन्दा विनाशकारी जङ्गलको आगलागी भएको अधिकारीहरूले बताएका छन् ।

आगो निभाउनका लागि अग्निनियन्त्रकहरूलाई पानीको अभाव भएको र उनीहरूले पौडी पोखरी र पोखरीबाट पानीको जोहो गरिरहेका छन् ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकाको लस एन्जलसको जङ्गलमा लागेको आगो हलिवुड हिल्ससम्म पुग्यो

तस्वीर : एएफपी

तपाईको प्रतिक्रिया