लखनउ विश्वविद्यालयलाई हराउँदै मध्यपश्चिमले जित्यो जय नेपाल कपको उपाधि

माघ १५, २०८१ मंगलबार १७:२८:४२ | उज्यालो सहकर्मी

काठमाण्डाै – भारतको लखनउ विश्वविद्यालयलाई हराउँदै मध्यपश्चिम विश्वविद्यालयले जय नेपाल कप टी–२० क्रिकेटको उपाधि जितेको छ । कीर्तिपुरको त्रिवि क्रिकेट मैदानमा आज भएको फाइनलमा मध्यपश्चिमले लखनउलाई ५८ रनले हरायो ।

मध्यपश्चिमले दिएको १ सय ७६ रनको लक्ष्य पछ्याएको लखनउले २० ओभरमा ९ विकेट गुमाएर १ सय १७ रनमात्र बनाउन सक्यो । लखनउका मनन कन्डपालले ५८ रन बनाए । मध्यपश्चिमका दिवान पुनले ३, राजकुमार शाहले २ तथा दिनेश अधिकारी र सुवास भण्डारीले १/१ विकेट लिए ।

यसअघि टस जितेर ब्याटिङ गरेको मध्यपश्चिमले २० ओभरमा ६ विकेट गुमाएर १ सय ७५ रन बनायो । मध्यपश्चिमका विपिन खत्रीले नटआउट ५९, दिवान पुनले ५८ रन बनाए । लखनउका अभिषेक सोनी, मनन कन्डपाल र हर्ष वर्धनले १/१ विकेट लिए ।

मध्यपश्चिम विश्वविद्यालयले उपाधिसँगै १५ लाख रुपैयाँ पुरस्कार प्राप्त गरेको छ । उपविजेता बनेको लखनउ विश्वविद्यालयले १० लाख रुपैयाँ पुरस्कार प्राप्त गरेको छ ।

अन्तिम अपडेट: माघ १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्