चैत्र १८ गतेदेखि पोखरा–ल्हासा उडान गर्दै हिमालय एअरलाइन्स

फागुन २०, २०८१ मंगलबार १८:२२:२९ | रासस

काठमाण्डाै – पोखरा अन्तर्राष्ट्रिय विमानस्थल सञ्चालनमा आएको दुई वर्षपछि हिमालय एअरलाइन्सले पहिलो व्यावसायिक उडान शुरू गर्न लागेको छ ।

हिमालय एअरलाइन्सले आउँदो चैत १८ गतेदेखि चीनको ल्हासामा उडान गर्न लागेको हो । काठमाण्डौ–ल्हासा–पोखरा–ल्हासा–काठमाण्डौ जोड्ने गरी उडान गर्न लागेको हिमालय एअरलाइन्सले विज्ञप्तिमार्फत जनाएको छ । पोखरालाई ल्हासासँग जोड्न हप्तामा एउटा उडान गर्ने गरी उडान तालिका निर्धारण गरिएको विज्ञप्तिमा उल्लेख छ ।

ल्हासा उडानका लागि हिमालय एअरलाइन्सले नियामक निकाय नेपाल नागरिक उड्डयन प्राधिकरण (क्यान) सँग उडान अनुमति लिइसकेको छ ।

त्यसैगरी चीनको सिचुवान एअरलाइन्सले आउँदो चैत ५ गतेदेखि पोखरा–छेन्दु गन्तव्यमा व्यावसायिक उडान गर्ने तयारी गरेको छ । यद्यपि क्यानबाट उडान अनुमतिलगायत प्रक्रिया पूरा भइसकेको छैन । उडान शुरू भएसँगै नेपालमा चिनियाँ पर्यटक बढ्ने विश्वास छ । पोखराबाट चीनका विभिन्न गन्तव्यमा सीधा उडान हुने भएपछि व्यवसायी उत्साहित भएका छन् ।

राष्ट्रिय गौरवको आयोजना पोखरा अन्तर्राष्ट्रिय विमानस्थल २०७९ साल पुस १७ गते उद्घाटन भएको थियो ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्