बैतडीका स्थानीय तह सचिवविहीन, सेवा प्रवाहमा समस्या

पुष २८, २०७५ शनिबार १५:२१:९ | जयराज अवस्थी

बैतडी – बैतडीका स्थानीय तहका वडाहरुमा सचिव नहुँदा सेवाप्रवाहमा समस्या भएको छ ।

स्थानीय तहमा जनप्रतिनिधि आएको डेढ वर्ष भइसके पनि कर्मचारीको भने अभाव रहेको छ । वडामा सचिवमा नहुँदा पञ्जिकरणलगायतका कामहरु प्रभावित हुने गरेका जनप्रतिनिधिहरुले बताएका छन् । बैतडीका दशवटै स्थानीय तहका वडा तहमा सचिव नहुँदा प्राविधिक सहायकहरुले सचिवको काम गरिरहेका छन् ।

शिवनाथ गाउँपालिकाका ६ ओटै वडामा सचिवको काम प्राविधिक सहायकले गरिरहेका गाउँपालिकाकी उपाध्यक्ष कुष्मा चन्दले जानकारी दिनुभयो । सचिवको अभावमा वडाले गर्नुपर्ने काममा बाधा पुगेको उहाँको भनाई छ ।

८ वडा रहेको सुर्नया गाउँपालिकाका ३ वडामा सचिव नभएको गाउँपालिकाकी प्रवक्ता हेमन्ती भट्टले बताउनुभयो । वडा नं १, ७ र ८ मा सचिव नहुँदा एकजना सचिवले दुई दुई वडामा काम गर्नुपरेको उहाँको भनाई थियो ।

सिगास गाउँपालिकाका ७ वटा वडा सचिवविहीन रहेको गाउँपालिकाका उपाध्यक्ष द्रोपती चन्दले बताउनुभयो । यस्तै पाटन नगरपालिकाको वडा नं ७ र ८ मा सचिव छैनन् भने दशरथचन्द नगरपालिकाकाको पनि वडा नं ६ र ११ मा सचिव नभएका दशरथचन्द नगरपालिकाका उपप्रमुख मीना चन्दले जानकारी दिनुभयो ।

यस्तै मेलौली नगरपालिकाका ९ वडा मध्ये ५ वडामा सचिव नभएका नगरपालिकाका उपप्रमुख राधा ओझाले बताउनुभयो । पञ्चेश्वर गाउँपालिकाका ६ वटै वडामा सचिव नहुँदा प्राविधिक सहायकले सचिवको काम गरिरहेको गाउँपालिकाका प्रवक्ता दशरथ मंगोलाले बताउनुभयो । १० वडा रहेको पुरचौंडी नगरपालिकामा एक वडा बाहेक अन्यमा सचिव नभएका प्रवक्ता गौतमप्रसाद भट्टले बताउनुभयोे ।

दोगडाकेदार गाउँपालिकाका ४ वडा सचिवविहीन छन् भने भएका सचिवहरुले पनि गाउँपालिकामा काम गर्नुपरेको गाउँपालिकाका अध्यक्ष चक्र कार्कीले बताउनुभयो । गाउँपालिकामा कर्मचारी नहुँदा सचिवहरुलाई गाउँपालिकामै राख्नुपर्ने अवस्था आएको उहाँले बताउनुभयो ।

यसैगरी डिलाशैनी गाउँपालिकाका ७ वडा मध्ये ४ वडा सचिवविहीन रहेका गाउँपालिकाका प्रवक्ता अक्कल रानाले बताउनुभयो । वडामा सचिव नहुँदा सेवाप्रवाहमा समस्या भएको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्