चितुवाको आक्रमणबाट बालक घाइते

माघ २, २०७५ बुधबार १८:२२:५४ | जयराज अवस्थी

बैतडी – बैतडीको शिवनाथ गाउँपालिकामा चितुवाको आक्रमण परेर ११ वर्षीय बालक घाइते भएका छन् ।

घाइते हुनेमा शिवनाथ गाउँपालिका वडा नम्बर ६ बसेडी ओल्याका रवीन्द्र धनाडी रहेका छन् । बुधबार बिहान झण्डै ८ बजेतिर विद्यालय जाँदै गरेको अवस्थामा रवीन्द्रलाइ शिवनाथ गाउँपालिकाकै शिवनाथ मन्दिर पछाडि चितुवाले आक्रमण गरेको स्थानीयले बताएका छन् ।

घाइते बालकको उपचार केशरपुर प्राथमिक स्वास्थ्य केन्द्र मेलौलीमा भइरहेको छ । उहाँको गर्धन र घाँटीमा सामान्य चोट लागेको प्राथमिक स्वास्थ्य केन्द्रका हेल्थ असिस्टेट मुकेश दयालले जानकारी दिनुभयो ।

घाइते बालक धनाडी पञ्चेश्वर गाउँपालिका वडा नम्बर ३ मा रहेको रामेश्वर माविमा कक्षा ५ मा अध्ययनरत रहेको स्थानीय गाम्भीर दयालले जानकारी दिनुभयो । गएको पुस ११ गते पनि शिवनाथ गाउँपालिका वडा नम्बर ६ ओखेडानीकी ४८ वर्षीया हिउँकला धनाडीलाई चितुवाले आक्रमण गरेको थियो ।

बैतडीको तल्लोस्वराड क्षेत्रमा चितुवाले वि.सं. २०६८ साल यता २३ जनाको ज्यान लिइसकेको छ भने कयांैलाइ घाइते बनाएको छ । प्रशासनले धेरैपटक चितुवा मार्न तल्लो स्वराडमा प्रहरी र वनरक्षकको टोली पठाए पनि चितुवा फेला पार्न नसकेर फर्किने गरेको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्