‘बल्ल चिन्दैछ विश्वले असली नेपाल, नेपालको प्रोफाइल बढेको बढ्यैछ’

चैत १५, २०७५ शुक्रबार १७:४०:३० | प्रदीप ज्ञवाली

काठमाण्डौमा आजदेखि सुरु भएको अन्तर्राष्ट्रिय लगानी सम्मेलनबाट म निकै नै उत्साहित छु । खासगरी हाम्रो निमन्त्रणालाई स्वीकार गरेर ४० देशका ६ सय पाहुना आएका छन् । उनीहरुले कार्यक्रमलाई निकै चासो दिएर सहभागिता जनाएका छन्, यो नै ठूलो सफलता हो र उत्साहित हुने कुरा हो ।

केही प्रतिष्ठित कम्पनी, बहुराष्ट्रिय लगानीकर्ता, विकास साझेदारलगायतको उपस्थितिले हाम्रो यो सम्मेलनको महत्व कति धेरै रहेछ भन्ने पनि देखाएको छ ।

अर्को कुरा यसमा उहाँहरुको ठूलो रुचि पनि देखिन्छ । यदि उहाँहरुको रुचि थिएन भने नेपालमा आउनुहुने थिएन होला । नेपालको विकास र लगानीमा विश्व समुदायको रुचि छ भन्ने कुरा सहभागिताले देखाएको छ ।

त्यस्तै गएको केही महिनाहरुमा हामीले व्यापक रुपमा नयाँ कानुन बनाउने र पुराना कानुनको संशोधन गरिरहेका छौँ, यसले पनि उनीहरुलाई आकर्षित गरेको छ ।

विदेशी लगानीका लागि जे जस्ता झण्झटहरु छन् भनिएको थियो, त्यो झण्झट पनि अब हामीले समाधान गरेका छौँ । नेपालको कानुनमा आएको सुधारले विश्व समुदायमा निकै ठूलो सकारात्मक प्रभाव परेको छ ।

आजदेखि सुरु भएको लगानीको यो महाकुम्भले एउटा नेटवर्क निर्माण गर्नेछ । जीटुबी वा बीटुबी जे सुकैमा पनि नेटवर्क स्थापना गर्न यो सम्मेलन पूर्ण सफल हुनेछ । यसको संकेत आज देखिएको छ ।

बल्ल चिन्दैछ विश्वले असली नेपाल , नेपालको प्रोफाइल बढेको बढ्यै

विशेषगरी स्विजरल्याण्डको डाभोसमा भएको विश्व आर्थिक मञ्चको बैठकमा नेपालका प्रधानमन्त्री केपी शर्मा ओलीले विश्वसामु नेपालको बारेमा बताएपछि विश्वले नेपाललाई हेर्ने दृष्टिकोण नै परिवर्तन भएको छ । विश्व आर्थिक मञ्चमा नेपाललाई पहिलो चोटी बोलाइनु नै नेपाल अब विश्वसामु देखिँदैछ । अनि नेपाललाई अब हामीले पनि सुन्नपर्छ भन्ने मानसिकता बढेको छ ।

यस्तै विश्व बैंक, एसियाली विकास बैंकलगायतले पनि नेपालको बारेमा धेरै सकारात्मक धारणाहरु राखेका छन् । सहयोगलाई झण्डै दोब्बर बढाउने वाचा गरेका छन् । यसले पनि नेपाललाई उहाँहरुले दिएको महत्व थप प्रष्ट पारेको छ ।

अहिले अन्तर्राष्ट्रिय मञ्चहरुमा नेपालको आकर्षण बढ्दै गरेको म पाउँछु, त्यसले नेपालको प्रोफाइल बढेको कुरालाई विश्वास योग्य बनाएको छ । यो लगानी सम्मेलनले पनि नेपालप्रति अन्तर्राष्ट्रिय चासो र नेपाललाई दिएको महत्वलाई थप बढाएको छ ।

– परराष्ट्र मन्त्री प्रदीप ज्ञवालीसँग अर्जुन पोख्रेलले गरेको कुराकानीको सम्पादित अंश

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रदीप ज्ञवाली

ज्ञवाली नेपाल सरकारका परराष्ट्र मन्त्री हुनुहुन्छ ।

1 Comments

gaurav
March 30, 2019, 1:12 a.m.
अब सरकारले काठमाण्डौको हरेक बाटोको टेन्डर पनि बिदेशीलाई दिए अलि राम्रो बन्ने थियो कि ? नेपाली ठेकेदारले टेन्डर त लिन्छन तर काम चाहिं केही गर्दैनन / अझ नेपाललाई सबैतिर चिनाउनलाई नेपालको काठमाण्डौको बाटोको सुधार एकदम आवश्यक छ भन्ने बुझ्नु जरुरी छ नेता भनाउँदाहरुले /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘बल्ल चिन्दैछ विश्वले असली नेपाल, नेपालको प्रोफाइल बढेको बढ्यैछ’

प्रदीप ज्ञवाली

1 Comments

gaurav

तपाईको प्रतिक्रिया

तपाईको प्रतिक्रिया