सांसद प्रेम सुवालको प्रश्न : प्रत्येक नेपालीको टाउकोमा २५ हजार ऋण बोकाउने सरकार कुन–कुन हुन् ?

असार १५, २०७५ शुक्रबार १४:१४:४८ | उज्यालो सहकर्मी

काठमाडौं – प्रतिनिधिसभाको बैठकले ‘विनियोजन विधेयक २०७५’ बहुमतले पारित गरेको छ ।

शुक्रबार बसेको प्रतिनिधिसभा बैठकमा अर्थमन्त्री युवराज खतिवडाले विनियोजन विधेयक २०७५ लाई पारित गरियोस् भनि राखेको प्रस्तावलाई बहुमतले पारित गरेको हो । यसअघि यस विधेयकमाथि सासंदहरुले राखेको खर्च कटौतीको प्रस्ताव बहुमतले अस्वीकृत भएको थियो ।

त्यसैगरी शुक्रबारकै बैठकले आर्थिक विधेयक २०७५, राष्ट्र ऋण उठाउने विधेयक २०७५ र ऋण तथा जमानत (२२ औ संशोधन) विधेयक २०७५ लाई स्वीकृत गरेको छ ।

अर्थमन्त्री खतिवडाले आर्थिक विधेयक २०७५ लाई विचार गरियोस् भनी गरेको प्रस्ताव बहुमतले स्वीकृत भएको हो । त्यही विधेयकको दफाबार छलफलका लागि असार १८ गतेको समय तोकिएको छ ।

त्यसैगरी अर्थमन्त्री खतिवडाले राखेको राष्ट्रऋण उठाउने विधेयक २०७५ र ऋण तथा जमानत (२२ औ संशोधन) विधेयक २०७५ लाई विचार गरियोस् भन्ने प्रस्तावलाई बहुमतले स्वीकृत गरेको छ ।

तीन वटै विधेयकको सैद्धान्तिक छलफलमा सहभागी हुँदै सांसद प्रेम सुवालले के का लागि ऋण भन्ने स्पष्ट हुनुपर्ने माग गर्नुभयो । खानेपानी, भूकम्पछिको पुनर्निर्माण र स्वास्थ्य बाहेकका क्षेत्रका लागि ऋण लिन नपाइने भन्दै उहाँले ऋण लिनुपर्ने कारण स्पष्ट आउनुपर्ने तर्क गर्नुभयो । उहाँले भन्नुभयो, ‘नेपाली जनताको प्रत्येकको टाउकोमा २५ हजार ऋण छ । के खाएको छ नेपाली जनताले ? कुन–कुन सरकारले ऋण ल्याएर नेपाली जनतालाई ऋण बोकाएको हो ? ती मन्त्रीहरु कुन–कुन हुन् ? र सबैको घर खेत कति जोड्यो त्यो सबै हिसाबकिताब हुनुपर्छ ? ऋण भूकम्पपछिको पुनर्निर्माणमा प्रयोग गर्ने भनेर आउनुपर्छ, स्वास्थ्यको लागि प्रयोग गर्ने, खानेपानीको लागि भनेर अनि हामीले स्वीकृति दिन मिल्छ । त्यत्तितै ऋण लिने भनेर हुन्छ ?’

सरकारले आर्थिक वर्ष २०७५/७६ का लागि विनियोजित बजेटमा एक खर्ब ७२ अर्ब ऋण उठाउने प्रस्ताव गरेको छ ।बैठक आजै साढे २ बजे बस्ने गरी स्थगित गरिएको छ ।

अन्तिम अपडेट: माघ १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्