६ सय ५९ जनाले चढे सगरमाथा, चार जनाको दाबी झुटो

जेठ २९, २०७६ बुधबार ८:४८:८ | भाेजेन्द्र बस्नेत

काठमाण्डौ – यस पटकको हिमाल आरोहण याममा ६ सय ५९ जनाले सगरमाथाको सफल आरोहण गरेका छन् ।

पर्यटन विभागको तथ्याङकक अनुसार दस्तुर बुझाएर अनुमति लिएका ३ सय ८१ जना मध्ये २ सय ८१ जनाले सगरमाथाको सफल आरोहण गरेका छन् । यस्तै उनीहरुको सहयोगीको रुपमा गएका ३ सय ७८ जना सगरमाथाको शिखरमा पुगेका छन् ।

यस पटक सगरमाथाको शिखरमा पुग्नेमध्ये ६५ जना महिला र ५ सय ९४ जना पुरुष रहेको पर्यटन विभागकी निर्देशक मिरा आचार्यले जानकारी दिनुभयो ।

चार जनाको दाबी झुटो

यसैबीच हिमाल आरोण गरेको सूचना दिएकामध्ये चार जनाले सगरमाथा आरोहण नगरी झुटो विवरण दिएको पाइएको छ ।

जेठ ९ गते सगरमाथा आरोण गरेको विवरण दिएका यूएईकी खादिजा मोहम्मद अली, भारतका शोभा बनवाला, विकास राना र अंकुशको दाबी झुटो पाइएको निर्देशक आचार्यले बताउनुभयो । उनीहरुका सहयोगीका रुपमा गएका पाँच जना नेपालीले पनि सगरमाथा आरोहण गरेको विवरण दिएका र त्यो झुटो ठहरिएको विभागले जनाएको छ ।

उजुरी परेपछि छानविनका क्रममा प्रेस्टिज एड्भेन्चर प्राइभेट लिमिटेडबाट गएका उनीहरुको दाबी झुटो ठहरिएपछि आरोहण प्रमाणपत्र नदिएको आचार्यले बताउनुभयो । कानुन अनुसार यसरी फर्जी प्रमाण पेस गर्नेलाई नेपालका हिमाल आरोहणमा रोक लगाउने गरिन्छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भाेजेन्द्र बस्नेत

भाेजेन्द्र बस्नेत उज्यालाेमा कार्यरत हुनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्