साैताकाे हत्या गरेकाे आराेपमा एक महिला पक्राउ

असार ८, २०७६ आइतबार १९:१४:५२ | सुमित्रा कोइराला

उदयपुर – कटारी नगरपालिका-४ मरुवामा आइतबार दिउँसो घाँटी रेटेर साैताकाे हत्या गरेकाे आरोपमा प्रहरीले एक महिलालाई पक्राउ गरेको छ ।

३० वर्षीया सीता राईले सौता लक्ष्मी राईलाई आफ्नै घरमा बोलाएर चक्कुले घाँटी रेटेर हत्या गरेको खुल्न आएको प्रहरीले जनाएको छ । श्रीमान पदम राईले कान्छी श्रीमती ल्याएपछि सीता श्रीमानसँग छुट्टिएर पुरानो घरदेखि झण्डै एक सय मिटरको दूरीमा रहेको अर्को घरमा बस्दै आएकी थिइन् ।

इलाका प्रहरी कार्यालय कटारीबाट घटनास्थलमा पुगेको प्रहरी टोलीले हत्यामा प्रयोग गरिएको चक्कु घटनास्थलबाट नै बरामद गरेको जनाएको छ । हत्यामा प्रयोग भएकाे चक्कु पखालेर घटनास्थल नजिकै फालिएको अवस्थामा बरामद गरेको प्रहरी निरीक्षक ललन कुर्मीले बताउनुभयो ।

हत्या गरेको आरोपमा प्रहरीले सीता राईलाई नियन्त्रणमा लिएर थप अनुसन्धान सुरु गरेको छ ।

अन्तिम अपडेट: पुस १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्