बैतडीमा नेपाल टेलिकमको टावरमा आगजनी

साउन १८, २०७६ शनिबार १८:३:२७ | जयराज अवस्थी

बैतडी - बैतडीको डिलाशैनीमा रहेको नेपाल टेलिकमको टावरमा शुक्रबार राति आगजनी भएकाे छ ।

नचिनेका मानिसहरुकाे समूहले डिलाशैनी गाउँपालिका-४, मठैराज बलालीमा रहेको नेपाल टेलिकमको टावरमा आगजनी गरेको जिल्ला प्रहरी कार्यालय बैतडीले जनाएको छ । आगजनीबाट टावरमा रहेका ब्याट्री र तारहरु जलेर नष्ट भएकाे बैतडीका प्रहरी प्रवक्ता, प्रहरी निरीक्षक दीपक पातलीले जानकारी दिनुभयो ।

टावरमा कसले र किन आगजनी गरे भन्नेबारे थाहा हुन नसकेको भए पनि नेत्रविक्रम चन्द विप्लव नेतृत्वको नेकपाले आगजनी गरेको हुनसक्ने प्रहरीकाे अनुमान छ । घटनाको थप अनुसन्धान भइरहेको प्रहरीले जनाएको छ ।

नेपाल टेलिकमको टावरमा आगजनी भएसँगै त्यस क्षेत्रका नागरिककाे अन्य ठाउँहरुसँगकाे सम्पर्क विच्छेद भएकाे छ । टावरमा आगजनीपछ सञ्चारविहीन हुनुपरेको स्थानीय नरेन्द्र विष्टले बताउनुभयो ।

यसअघि साउन १५ गते राति बैतडीको पुर्चौँडी नगरपालिकाको वडा नं -१, उचापात्थर कुँडीधारमा रहेको एनसेलको टावरमा नचिनेका मानिसहरुकाे समूहले आगजनी र तोडफोड गरेको थियो ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्