विश्वकप छनोट : भारत ओमानसँग पराजित

भदौ २०, २०७६ शुक्रबार ६:५९:१३ | उज्यालो सहकर्मी

विश्वकप छनोट अन्तर्गतको पहिलो खेलमा भारत ओमानसँग पराजित भएको छ ।

गुवाहटीस्थित इन्दिरा गान्धी स्टेडियममा भएको खेलमा भारत अन्तिम ८ मिनेट सम्हालिन नसक्दा पराजय भोग्न बाध्य भयो । भारतले पहिलो हाफमा लिएको एक गोलको अग्रतामा राबिया अलावी अल मान्धरले अन्तिम समयमा दुई गोल गरेका थिए ।

२४औं मिनेटमा सुनिल क्षेत्रीले गोल गर्दै भारतलाई अग्रता दिलाएका थिए । सो अग्रता भारतले ८१औं मिनेटसम्म कायम राख्यो । तर, ८२औं र ९०औं मिनेटमा राबिया अलावीले गोल गरेपछि भारत स्तब्ध बन्यो ।

छनोट प्रतियोगिता अन्तर्गत नै भएको अर्को खेलमा सिरियाले फिलिपिन्सलाई ५–२ ले हराएको छ । फिलिपिन्समा भएको खेलमा घरेलु टोलीलाई हराउनका लागि ओमार अल सोमाहले दुई गोल गरे भने खालिद मोबायद र फिरास अल खातिबले एक एक गोल गरे ।

यस्तै कम्बोडिया र हङकङ्बीचको खेल एक एक गोलको बराबरीमा सकियो भने सिंगापुर र यमनले दुई दुई गोलको बराबरीमा अंक बाँढे । थाइल्याण्ड र भियतनामबीचको खेल पनि गोलरहित बराबरीमा टुंगियो ।

मलेसियाले इण्डोनेसियामाथि ३–२ को जित निकाल्यो भने ताजिकिस्तानले किर्गिजस्तानलाई १–० ले हरायो । तुर्कमेनिस्तानले श्रीलंकालाई २–० ले हरायो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्