पोर्चुगलको जितमा रोनाल्डोको चार गोल

भदौ २५, २०७६ बुधबार ६:५५:३१ | उज्यालो सहकर्मी

स्टार खेलाडी क्रिस्टियानो रोनाल्डोको ह्याट्रिकमा पोर्चुगलले युरो कप छनोटमा लिथुवानियालाई पाँच एकको भारी अन्तरले हरायो । मंगलबार राति भएको खेलमा पोर्चुगलको जितमा रोनाल्डोले चार गोल गरे ।

प्रतियोगितामा पोर्चुगलको यो लगातार दोस्रो जित हो ।

एकतर्फी बनेको खेलको सातौं मिनेटमा नै रोनाल्डोले टिमका लागि पहिलो गोल गरे । २८ औं मिनेटमा लिथुवानियाले एक गोल गर्दै खेल एक एकको बराबरीमा पुर्‍याए । पहिलो हाफ एक–एक गोलको बराबरी भएको खेलको ६१ औं मिनेटमा,६५, र ७६ औं मिनेटमा लगातार रोनाल्डोले गोल गरेपछि खेलमा पोर्चुगलले चार एकको अग्रता बनायो ।

त्यसपछि इन्जुरी समयको दोस्रो मिनेटमा विलियन कारभाल्होले गोल गर्दै पोर्चुगललाई पाँच एकको जित दिलाए । यो जितपछि पोर्चुगलको समुह बी मा चार खेलबाट ८ अंक भएको छ ।

यस्तै, समूह एच अन्तर्गत फ्रान्सले एन्डोरालाई तीन शून्यले हरायो । पाँचौ खेलमा जित निकाल्ने क्रममा फ्रान्सले एन्डोरा विरुद्ध सहज जित हात पार्यो । खेलको १८ औं मिनेटमा कोमनको गोलमा अग्रता बनाएको फ्रान्सले ५२ औं मिनेटमा लेंगेटको गोलमा दोब्बर बनायो ।

त्यसपछि इन्जुरी समयमा बेन येडेरले गोल गर्दै फ्रान्सलाई तीन शून्यको जित दिलाए । यो जितपछि फ्रान्सको समुहमा पाँच् खेलमा १५ अंक भएको छ ।

समुह ए अन्तर्गत इंग्ल्याण्डले कोसोभमाथि पाँच तीनको जित निकाल्यो । प्रतिस्पर्धात्मक बनेको खेलको पहिलो मिनेटमा नै बेर्साको गोलमा कोसोभले अग्रता बनाएको थियो । तर त्यसपछि इंग्ल्याण्डले लगातार पाँच गोल गर्‍यो ।

आठौं मिनेटमा रहिम स्ट्रलिङले गोल गरे भने १९ औं मिनेटमा हेरी केनले दोस्रो गोल गरे । यस्तै, ३८ औं मिनेटमा इंग्ल्याण्डले उपहार गोलमा अग्रता तीन एकमा पुर्यायो । यस्तै ४४ औं र पहिलो हाफको इन्जुरी समयमा सान्चोले लगातार दुई गोल गरेपछि इंग्ल्याण्ड पहिलो हाफमा नै पाँच एकको अग्रता बनायो ।

दोस्रो हाफमा कोसोभले दुई गोल फर्काएपनि हार भने टार्न सकेन । इंग्ल्याण्डको प्रतियोगितामा लगातार चौथो जित हो । उसको १२ अंक भएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्