युरोपियन च्याम्पियन्स लिग : लिभरपुलकाे पहिलाे चुनाैती नापाेलीसँग

भदौ ३१, २०७६ मंगलबार ९:२४:९ | उज्यालो सहकर्मी

युरोपियन च्याम्पियन्स लिग अन्तर्गत समूह चरणको पहिलो खेलमा मंगलबार लिभरपुलले इटालीयन क्लब नापोलीसँग प्रतिस्पर्धा गर्दैछ । साविक विजेतासमेत रहेको लिभरपुल उपाधि रक्षा अभियानलाई सकारात्मक रुपमा सुरुवात गर्न चाहन्छ ।

यो सिजनको प्रिमियर लिगमा सतप्रतिशत नजिता निकाल्न सफल टिम लिभरपुल समूह ई मा नापोली‍विरुद्ध उत्कृष्ट नजिताको अपेक्षामा रहेको छ । खेल राति पौने एक बजेबाट सुरु हुने छ । खेल अगाडि प्रशिक्षक जुर्गेन क्लोपले लिभरपुल च्याम्पियन्स लिगको उपाधिका लागि हकदार रहेको बताएका छन् ।

गएको सिजन पनि नापोली लिभरपुलको समूहमा रहेको थियो । जसमा नापोलीले एक–शून्यको जित निकालेको थियो ।

मंगलबारको खेलमा लिभरपुलका डिभोक ओरिगी उपस्थित नहुने भएका छन् । गएको सिजन फाइनलमा टोटनह्यामलाई हराउँदा उनले एक गोल गरेका थिए । उनको स्थानमा युवा खेलाडी रहिम ब्रेवेस्टरले इटाली यात्रा गर्नेछन् । यस्तै डिफेन्डर एन्डी रोबर्टसन पनि मंगलबारको खेलमा टिममा हुने संभावना न्यून रहेको छ । उनी फिट भए पनि खेल्नका लागि तयार नरहेको बताइएको छ ।

यस्तै, लिभरपुलका मिडफिल्डर नावी केइटा र गोलकिपर एलिसोन चोटका कारण आज खेल्ने छैनन् । यी दुई टिम पछिल्लो पटक ६ खेलमा एक अर्काविरुद्ध खेल्दा लिभरपुलले तीन खेलमा जित निकालेको छ भने नापोलीले दुई खेलमा जित र एक खेल बराबरी खेलेको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्