साढे ८ किलाे चरेससहित दाङबाट ३ जना पक्राउ

असोज १, २०७६ बुधबार १९:१३:२० | उज्यालो सहकर्मी

दाङ – साढे आठ किलो लागुऔषध चरेससहित प्रहरीले दाङबाट तीन जनालाई पक्राउ गरेको छ ।

पक्राउ पर्नेमा रोल्पा गंगादेवी गाउँपालिकाका २१ वर्षीय गणेश वली, २७ वर्षीय भूपेन्द्र थापा र ४० वर्षीय अमृत थापा रहेका छन् । मोटरसाइकलमा लागुऔषध कारोबार गरिरहेको भन्ने सूचनाका आधारमा बुधबार बिहान उनीहरुलाई दाङ-रोल्पाको सीमा क्षेत्र दाङको खम्बासबाट पक्राउ गरिएको प्रहरीले जनाएको छ ।

पक्राउ परेकाहरुलाई सार्वजनिक गर्न बुधबार दिउँसो जिल्ला प्रहरी कार्यालय दाङमा गरिएको पत्रकार सम्मेलनमा जिल्ला प्रहरी प्रमुख, प्रहरी उपरीक्षक (एसपी) जनक भट्टराईले उनीहरुको साथबाट ८ किलो ५ सय ग्राम चरेस र रा ३ प ४५५९ नम्बरको मोटरसाइकल बरामद गरिएको जानकारी दिनुभयो ।

गएको दुई हप्तामा दाङबाट आठ जना लागुऔषधको कारोबार गर्नेलाई पक्राउ गरी मुद्दा चलाइएको प्रहरीले जनाएको छ ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्