स्लाभियामाथि बार्सिलोनाको कठिन जित, मेस्सीको अर्को कीर्तिमान

कात्तिक ७, २०७६ बिहीबार ६:४४:१९ | उज्यालो सहकर्मी

बार्सिलोनाका स्टार लियोनेल मेस्सीले च्याम्पियन्स लिगमा कीर्तिमान बनाएका छन् । समूह एफ अन्तर्गतको खेलमा स्लाभिया प्रागलाई २–१ ले हराउँदा मेस्सी च्याम्पियन्स लिगको लगातार १५ सिजनमा गोल गर्ने पहिलो खेलाडी बने ।

चेक गणतन्त्रमा भएको खेलमा मेस्सीले बार्सिलोनालाई सुरुवाती अग्रता दिलाएका थिए । तेस्रो मिनेटमा अर्थरको पासमा गोल गर्दै मेस्सीले रेकर्ड बनाए ।

बार्सिलोनाले पहिलो हाफसम्म मेस्सीको सोही गोलको अग्रता कायम राखेको थियो । ५०औं मिनेटमा चेक च्याम्पियन प्रागका लागि जान बोरिलले गोल गर्दै खेल बराबरीमा पुर्‍याए ।

तर, ५७औं मिनेटमा पिटर ओलायिन्काले आत्मघाती गोल गरेपछि बार्सिलोनाले फेरि अग्रता लियो । मेस्सीको फ्रिकिलाई स्वारेजले प्रहार गरेका थिए । सो बलले ओलायिन्कालाई छोएर गोल भएको थियो ।

यो जितसँगै बार्सिलोना समूहको शीर्ष स्थानमा उक्लिएको छ भने प्रशिक्षक अर्नेस्तो भाल्भार्डेमाथिको दबाब पनि केही कम भएको छ । सिजनको सुरुवातमा खराब प्रदर्शन गरेको बार्सिलोना अघि ला लिगाको शीर्ष स्थानमा उक्लिएको छ । उसले पछिल्लो ६ खेलमा स्पष्ट जित निकाल्न सफल भएको छ ।

समूह एफमा बार्सिलोनाले दोस्रो स्थानको इन्टरमिलानविरुद्ध तीन अंकको अग्रता लिएको छ । इन्टरमिलानको चार अंक छ । तेस्रो स्थानको बोरुसिया डोर्टमण्डको पनि चार अंक नै छ ।

मिलानले डोर्टमण्डलाई २–० ले हरायो । मिलानमा भएको खेलमा घरेलु टिमलाई जित दिलाउनका लागि लउटारो मार्टिनेज र एन्टोटियो क्यान्ड्रेभाले एक एक गोल गरे ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्