चितुवाको छालासहित रुकुमबाट दुई जना पक्राउ

कात्तिक ९, २०७६ शनिबार १५:१८:७ | राजु लामिछाने

रुकुम - रुकुम पश्चिममा चितुवाको छालासहित दुई जना पक्राउ परेका छन् ।

मुसीकोट नगरपालिका-७, वैरिदहबाट चितुवाको छालासहित २ जनालाई प्रहरीले शुक्रबार पक्राउ गरेको हो ।

पक्राउ पर्नेमा रुकुम पूर्वको पुथाउत्तरगंगा गाउँपालिका वडा नम्बर १४ का अर्जुन बुढा भनिने छायाँ विक र दाङको घोराही उपमहानगरपालिका वडा नम्बर १२ का १९ वर्षीय गणेश नेपाली रहेको जिल्ला प्रहरी प्रमुख प्रहरी नायब उपरीक्षक डीएसपी (सुमित खड्का)ले जानकारी दिनुभयो ।

रुकुम पूर्वबाट रुकुम पश्चिम हुँदै दाङ, नेपालगञ्जतर्फ वन्यजन्तुको छाला ओसारपसार भैरहेको भन्ने सूचनाका आधारमा प्रहरी निरीक्षक कबिराज रोकायको कमाण्डमा खटिएको विशेष टोलीले शुक्रबार बेलुकी साढे ७ बजे संरक्षित वन्यजन्तु चितुवाको छालासहित २ जनालाई पक्राउ गरेको डीएसपी खड्काले बताउनुभयो।

शंकास्पद अवस्थामा आईरहेको अवस्थामा रोक्न खोज्दा भाग्न खोजेपछि नियन्त्रणमा लिई खानतलासि गर्दा विक र नेपालीको साथबाट चितुवाको छाला भेटिएको प्रहरीको भनाई छ ।

पक्राउ परेका दुवैलाई थप अनुसन्धानका लागि जिल्ला वन कार्यालयको जिम्मा लगाउने तयारी भैरहेको प्रहरीले जनाएको छ । यसअघि पनि रुकुम पश्चिमलाई ट्रान्जिट बनाएर वन्यजन्तुको छाला ओसारपसार गर्ने क्रम बढेपछि विशेष निगरानी बढाइएको र त्यसै क्रममा दुई जनालाई पक्राउ गर्न सफल भएको डीएसपी खड्काको भनाइ छ ।

उहाँका अनुसार यसअघि जिल्लामा ३ वटा रेडपाण्डा र एउटा बाघको छालासहित केही व्यक्तिहरु पक्राउ परेका थिए ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्