नेटवर्किङ व्यवसायका नाममा ठगी गरेको आरोपमा बर्दियाबाट चार जना पक्राउ

 कात्तिक १६, २०७६ शनिबार १५:४९:३ | भावुक योगी
unn.prixa.net

बर्दिया - भारतमा रहेको नेटवर्किङ व्यवसायका नाममा नेपालीले नै गाउँका सोझासाझा नेपालीलाई ठगी गरेको आरोपमा बर्दिया प्रहरीले ४ जनालाई पक्राउ गरी सार्वजनिक गरेको छ ।

भारत पुगेका नेपालीले भारतको लखिमपुरमा रहेको नेटवर्किङ बिजनेसका नाममा नेपालका विभिन्न जिल्लामा विस्तार गरी सोझासाझा नेपालीलाई नै ठगी गरेको आरोपमा बर्दिया प्रहरीले चार जनालाई पक्राउ गरी शनिबार बिहान पत्रकार सम्मेलन मार्फत सार्वजनिक गरेको हो ।

नेटवर्किङ बिजनेसका नाममा ठगी गरेको आरोपमा बर्दिया गुलरिया नगरपालिका ४ का बिवेक थारू, वडा ५ का हिमाल भनिने प्रजय चौधरी, बारबर्दिया नगरपालिका ७ का दिपक चौधरी र राजापुर नगरपालिका ३ का आशा थारूलाई पक्राउ गरिएको जिल्ला प्रहरी कार्यलय बर्दियाका प्रहरी उपरीक्षक (एसपी) राजेशनाथ बास्तोलाले जानकारी दिनुभयो । 

ओरियन्स ग्लोबल नेटवर्किङ प्रालि नामक बहुराष्ट्रिय कम्पनिले नेटवर्किङ बिजनेसका नाममा ठगी गरेको आरोपमा चार जनालाई पक्राउ गरी अनुसन्धान सुरु भइरहेको र थप अरु पनि पक्राउ पर्नसक्ने जिल्ला प्रहरी उहाँले बास्तोलाले बताउनुभयो ।

‘नेपालका तर्फबाट कैलाली टिकापुर नगरपालिका-१ का २६ वर्षीय साजन चौधरीलाई सम्पर्कमा ल्याएपछि उनकै माध्यमबाट त्यसै ठाउँका सन्तोष चौधरी र कैलारी-६, बैजपुरका मनोज चौधरीलाई ल्याएपछि नेपालमा यो नेटवर्किङ बिजनेसकाे सुरुवात भएको देखिन्छ’ एसपी बास्तोलाले भन्नुभयो ।

ठगी मुद्धा शीर्षकमा आरोप प्रमाणित भए सजायस्वरुप मुलुकी अपराध संहिता २०७४ को परिच्छेद २१ को दफा २४९ को उपदफा ३(ग) बमोजिम ७वर्ष कैद र ७० हजार जरिबाना हुने उहाँले बताउनुभयो ।

कम्पनीबाट आएका एजेन्टले विभिन्न प्रलोभन देखाइ ठगी गरिरहेका पाइएकाे छ । हालसम्म बाँके, बर्दिया, कैलाली, दाङ र कञ्चननपुर जिल्लाका गरी झण्डै २ सय जना पीडित व्यक्तिहरुलाई उद्धार गरी उनीहरु मार्फत जानकारी लिएर त्यस कम्पनीको एजेन्टका रूपमा काम गरीरहेकाले उनिहरु पक्राउ परेका हुन् ।

ओरियन्स ग्लोबल नेटवर्किङ प्रालि नामक बहुराष्ट्रिय कम्पनिले विभिन्न देश सहित भारतको चेन्नइमा प्रधान कार्यालय, दिल्लीमा शाखा कार्यालय र लखिमपुरमा उपशाखा कार्यालय खोली नेचुरल वेल इन्टरप्राइजेज मार्फत खाद्य पदार्थको नेटवर्किङ बिजनेस गरिरहेको र प्रलोभनमा पारी सोझा मानिसलाई ठगी गर्दै विभिन्न किसिमका औषधी वितरण गरिरहेको पाइएको छ ।

पछिल्लो समय भारतको लखिमपुरबाट ओरियन्स नामक नेटवर्किङ व्यवसायका एजेन्टहरु नेपालको बाँके, बर्दिया, कैलाली दाङ लगायतका जिल्लामा सोझासाझा मानिसलाई ठग्न थालेको उजुरी पर्न थालेपछि नेटवर्किङ बिजनेसमा संलग्नलाई प्रहरीले नियन्त्रणमा लिन सुरु गरेको जनाएको छ ।
 

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ । 

1 Comments

  • Amar b.k.

    Nov. 5, 2019, 12:49 p.m.

    यस्ता व्यक्तिहरु बेपत्ता छन् बर्दियामा / मलाई नै कत्तिले फोन गरेर प्रोत्साहन गर्ने गर्छन /के गर्नु पर्छ मैले /

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

चीनले फ्रान्स, जर्मनीलगायत २९ वटा देशका लागि एकपक्षीय भिसामुक्त नीति लागू गर्‍याे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई