भारतको नक्सामा नेपालको जमिन : अध्ययनका लागि नेपालले भारतको आधिकारिक नक्सा झिकायो

कात्तिक २०, २०७६ बुधबार ८:४९:३४ | उज्यालो सहकर्मी

काठमाण्डौ – भारतले आफ्नो नयाँ नक्सामा नेपालको जमिन पनि राखेको विषयमा सरकारले अध्ययन गरेर मात्रै धारणा सार्वजनिक गर्ने भएको छ ।

नेपाली जमिन अतिक्रमण भएको हो या होइन भनेर भारतको आधिकारीक नक्सा झिकाइएको र नक्सा आएपछि अध्ययन गरेर मात्रै भन्न सकिने परराष्ट्रमन्त्री प्रदीपकुमार ज्ञवालीले उज्यालोलाई जानकारी दिनुभयो । उहाँका अनुसार सरकारले भारतीय दूतावासमार्फत भारतको आधिकारिक नक्सा झिकाएको छ ।

यस्तै, नेपाल र भारतको आ–आफ्नै दाबी रहेकोले आवश्यक छलफल र अध्ययन गरेर मात्रै यो विषयमा केही बोल्न सकिने नापी विभागका सूचना अधिकारी दामोदर ढकालले बताउनुभयो ।

सीमारेखाको विषयमा परराष्ट्र सचिवस्तरीय संयन्त्रलाई अध्ययनको जिम्मा दिइएको र यसको कुटनीतिक समाधान खोज्नुपर्ने भएकोले अहिले नै यही हो भन्न सक्ने अवस्था नरहेको उहाँको भनाइ छ ।

यस्तै, भूमि व्यवस्था, सहकारी तथा गरिबी निवारण मन्त्रालयले पनि दुई देशको परराष्ट्र सचिवस्तरीय संयन्त्रले आफ्नो काम गरिरहेको र नेपालले आफ्नो अडान नछाडेको जनाएको छ । मन्त्रालयका प्रवक्ता जनकराज जोशीले सन् १८१६ मा भएको सुगौली सन्धिअनुसार नेपालले आफ्नो अडान नछाडेको र यसको कुटनीतिक समाधान खोज्नुपर्ने बताउनुभयो ।

गएको शनिबार भारतले नेपालको झण्डै ३ सय ७२ वर्ग किलोमिटरभन्दा धेरै जमिन आफ्नो भन्दै नयाँ राजनीतिक नक्सा सार्वजनिक गरेको छ । दार्चुलाको लिपुलेक, लिम्पियाधुरा र कालापानी क्षेत्रलाई भारतले नयाँ राजनीतिक नक्सामा समेटेको छ । यसअघि पनि नेपालको यो क्षेत्र आफ्नो भन्दै भारतले दाबी गर्दै आएको थियो ।

सम्बन्धित समाचार

भारतले नयाँ नक्सामा नेपालकाे कालापानी, लिपुलेक र लिम्पियाधुरा पनि राखेपछि चर्कियाे सीमा विवाद !

अन्तिम अपडेट: माघ १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्