बंगलादेशका राष्ट्रपति अब्दुल हमिद फेवातालमा सरर...

कात्तिक २८, २०७६ बिहीबार १३:२५:३५ | उज्यालो सहकर्मी

कास्की – चारदिने नेपाल भ्रमणमा रहनुभएको बंगलादेशका राष्ट्रपति मोहम्मद अब्दुल हमिदले फेवातालमा डुङ्गा सयर गर्नुभएको छ । उहाँ बिहीबार पोखरा आइपुग्नुभएको हो । बिही्बार बिहान करिब १२ बजेको समयमा हमिद नेपाली सेनाको हेलिकप्टरबाट पोखरा विमानस्थल ओर्लनुभएको हो ।

विमानस्थल ओर्लिए लगत्तै हमिदलाई पोखरा विमानस्थलमा गण्डकी प्रदेशका कार्यवहाक मुख्यमन्त्री किरण गुरुङको टोलीले स्वागत गर्नुभएको थियो । स्वागत गरेपछि उहाँ सिधै डुङ्गा सयरको लागि फेवाताल पुग्नुभएको थियो । फेवातालमा उहाँको लागि तयार पारिएको मोटरबोटमा चढी फेवातालको अवलोकन गर्नुभएको छ ।

त्यसपछि फेवाताल पारी रहेको फिस्टेल लजमा प्रदेश सरकारले आयोजना गरेको दिवा भोजमा सहभागी हुने कार्यक्रम छ । उहाँले खाना खाने होटल फिस्टेल लज बुधबार रातिदेखि नै खाली गरिएको छ भने सुरक्षाकर्मी खटाएर रेखदेख गरिएको छ ।

दिवा भोजपछि उहाँ कास्कीको रुपाकोट गाँउपालिका जाने कार्यक्रम छ । रुपाकोटमा रहेको रुपाकोट रिसोर्टबाट हिमाली दृश्यावलोकन गर्ने कार्यक्रम छ । रुपाकोटमा आन्तरिक मामिला तथा कानुन मन्त्री हरिबहादुर चुमानको टोलीले स्वागत गर्ने छ ।

उहाँको स्वागतका लागि पोखराका सडक छेउछाउ नेपाल र बंगलादेशको झण्डा टाँगेर सजाइएको छ । विमानस्थलको गेटमा स्वागतद्धार बनाइएको छ भने सडक सरसफाइ गरिएको छ ।

रुपाकोटमा भव्य स्वागतको तयारी

पोखराबाट नजिकै रहेको रुपाकोटमा हमिदलाई सबैभन्दा पहिले मुश्लिम समुदायले स्वागत गर्ने कार्यक्रम छ । स्थानीय भेला भएर फूलगुच्छाले स्वागत गरेपछि झाँकी प्रस्तुत हुनेछ ।

त्यसपछि पञ्चेबाजा, नेवारको मारुनी नाच तथा गुरुङ समुदायको घाटु र छ्याटु नाच देखाउने तयारी गरिएको रुपा गाउँपालिका अध्यक्ष नवराज ओझाले जानकारी दिनुभयो । रुपाकोटमा हमिदले १ घण्टा बिताउनुहुनेछ ।

अन्तिम अपडेट: माघ १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्