तरुण दल नेपालगञ्जका नगर सभापति शाह पुर्पक्षका लागि जेल चलान

मंसिर २, २०७६ सोमबार १९:५५:३४ | उज्यालो सहकर्मी

बाँके - अमेरिकी पेस्तोलसहित पक्राउ परेका नेपाल तरुण दलका नेपालगञ्ज सभापति सन्दीपजङ्ग शाहलाई जिल्ला अदालत बाँकेले पुर्पक्षका लागि कारागार चलान गरेको छ ।

जिल्ला अदालत बाँकेका न्यायधीश दिलिपराज पन्तको एकल इजलासले सोमबार सन्दीपलाई पुर्पक्षका लागि थुनामा राख्ने आदेश दिएको हो । सन्दीपसँगै पक्राउ परेका नेपालगञ्जका यमबहादुर बुढा, प्रितम थापा र माधव नेपालीलाई जनही एकलाख ५० हजार रुपैयाँ धरौटीमा रिहा गर्ने आदेश अदालतले दिएको छ ।

प्रहरीले शाहसहित ६ जनालाई नेपालगञ्ज–२० मनिकापुरमा रहेको नमस्ते भिलेज रेस्टुरेन्टको पार्किङ्गमा रहेको शाहको बा १८ च ४२११ नम्बरको खैरो मारुती सुजिकी
कारको सिटमुनि बनाइएको फल्स बटमबाट पेस्तोल र त्यसमा लाग्ने गोली लोड गरी लुकाइ राखेको अवस्थामा नियन्त्रणमा लिएको थियो ।

पक्राउ परेकामध्ये दुई जनालाई अनुसन्धानपछि रिहा गरिएपछि तरुण दलका नगर सभापति शाहसहित बुढा, थापा र नेपालीलाई हातहतियार तथा खरखजाना मुद्दा दर्ता गरिएको हो ।

कात्तिक १४ गते पक्राउ गरिएका तरुण दलका नगर सभापति शाहलाई तरुण प्रहरीको मिलेमतोमा फसाइएको भन्दै प्रहरी र प्रशासनविरुद्ध तरुण दलले आन्दोलन समेत गर्दै आएको छ ।

अन्तिम अपडेट: माघ १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्