भारतीय नम्बरकाे जीप पल्टिँदा उदयपुरमा ३ जनाको ज्यान गयाे, ५ जना घाइते

पुष ३, २०७६ बिहीबार १३:५०:४२ | सुमित्रा कोइराला

उदयपुर - उदयपुरमा बिहीबार बिहान भएको जीप दुर्घटनामा तीन जनाको ज्यान गएको छ भने पाँच जना घाइते भएका छन्।

उदयपुरगढी गाउँपालिका वडा नम्बर ३ मा भएको भारतीय नम्बरकाे जीप दुर्घटना हुँदा तीन जनाको घटनास्थलमै मृत्यु भएको हो । एस के ०१ पिबी ३०६८ नम्बरको जीप पल्टिँदा उदयपुरगढी गाउँपालिका-३, का ६० वर्षीय सेत बहादुर श्रेष्ठ, ५० वर्षीय ढकबहादुर स्मालीमगर र ३६ वर्षीय मिन बहादुर श्रेष्ठको ज्यान गएको उदयपुरगढी गाउँपालिका ३ का वडा अध्यक्ष मनोज कार्कीले जानकारी दिनुभयो ।

भारतको सिक्किममा बसोबास गर्ने आफन्त भेटघाट गरेर फर्कने क्रममा जीप दुर्घटनामा परेको प्रहरीले जनाएको छ । बिहान साढे सात बजे भएको दुर्घनामा अन्य ५ जना घाइते भएका हुन् ।

पाँचमध्ये ३ जना गम्भीर घाइते भएकाले उदयपुरबाट बाहिर रिफर गरिएको छ भने दुई जनाको स्वास्थ्य चौकी उदयपुरगढीमा उपचार भइरहको स्थानीय देव गिरिले बताउनु भयो ।

नयाँ बाटो र बाक्लो हुस्सुको कारण दुर्घटना भएको हुनसक्ने प्रहरीकाे अनुमान छ । घटनास्थल सदरमुकाम गाईघाटबाट करिब ७० किलो मिटर टाढा रहेकोले प्रहरी चौकी उदयपुरगढीबाट घटनास्थलतर्फ प्रहरी खटाइएको जिल्ला प्रहरी प्रमुख तथा एसपी बीरबहादुर बुढा मगरले जानकारी दिनुभयो ।

अन्तिम अपडेट: कात्तिक २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्