संसदमा देखिएको गतिरोधको कारक उपसभामुख : पूर्वमन्त्री गजुरेल

माघ २, २०७६ बिहीबार १८:५९:११ | उज्यालो सहकर्मी

काठमाण्डौ - नेपाल कम्युनिष्ट पार्टी (नेकपा)का स्थायी कमिटी सदस्य तथा पूर्वमन्त्री हरिबोल गजुरेलले संसदमा देखिएको गतिरोधको प्रमुख कारक र बाधक उपसभामुख भएको बताउनुभएको छ ।

बिहीबार काठमाण्डाैमा आयोजित एक साक्षात्कारमा बोल्दै नेता गजुरेलले संसदको गतिरोध हटाउनु उपसभामुख डा. शिवमाया तुम्बाहाम्फेले राजीनामा दिनुपर्ने बताउनुभयो ।

उहाँले उपसभामुखले राजीनामा नदिएसम्म नेपाल कम्युनिष्ट पार्टी (नेकपा)ले उम्मेदवारी दिन नपाउने भएकाले देश र जनतालाई निकास दिन पनि राजीनामा दिनुपर्ने बताउनुभयो ।

उहाँले राजीनामा नदिने हो भने पार्टीले गम्भीर छलफल गर्ने समेत बताउनुभयो । पार्टीका दुवै अध्यक्षले उहाँलाई राजीनामा दिन आग्रह गरेको बताउँदै राजीनामा नदिने भए पार्टी सोही अनुसार अगाडि बढ्ने समेत बताउनुभयो ।

उहाँले पार्टीमा सभामुख को हुने भन्ने बहसको विषय भएको र पुरानो सहमति अनुसार नै चयन हुने बताउनुभयो । उहाँले उपसभामुखले राजीनामा नदिँदासम्म बहस गर्नुको कुनै अर्थ नहुने समेत बताउनुभयो ।

नेता गजुरेलले अहिलेको गति अवराेधको अवस्था कुनै नौलो कुरा नभएको समेत बताउनुभयो । उहाँले पार्टीको महाधिवेशन नहुँदासम्म ‘पावर शेयरिङ‘ हुनैपर्ने समेत बताउनुभयो ।

अन्तिम अपडेट: माघ १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्