सभामुखकाे टुङ्गाे लगाउन नेकपा सचिवालय बैठक बस्दै

माघ ५, २०७६ आइतबार १२:५:७ | उज्यालो सहकर्मी

काठमाण्डाै - सभामुखको उम्मेदवार टुङ्गो लगाउन सत्तारुढ दल नेपाल कम्युनिष्ट पार्टी (नेकपा) को सचिवालय बैठक आइतबार बस्दै छ ।

पार्टी अध्यक्षद्वय केपी शर्मा ओली र पुष्पकमल दाहाल प्रचण्डबीच बिहान भएको छलफलमा दिउँसो ४ बजेका लागि सचिवालय बैठक बोलाउने निर्णय भएको हो ।

बैठकले सभामुखको टुङ्गो लगाउने सम्भावना रहेको नेकपाका नेताहरुले बताएका छन् । साेमबार दिउँसो १ बजेका लागि संसद बैठक बोलाइएकाले पनि सभामुखको टुङ्गो लगाउन नेकपालाई दबाब छ ।

नेकपाले सभामुखको टुङ्गो लगाउन नसक्दा गएको पुस ४ गतेदेखि संसद बैठक बस्न सकेको छैन । अध्यक्ष ओलीले पूर्व एमाले र दाहालले पूर्व माओवादीतर्फबाट सभामुख बनाउनु पर्ने अडान लिँदा सभामुखको उम्मेदवा चयन गर्न ढिलाइ भएको हो ।

तत्कालीन सभामुख कृष्णबहादुर महरा यौन हिंसाको आरोपमा असोज १४ गते पक्राउ परेपछि सभामुख पद रिक्त छ ।

उपसभामुख तुम्बाहाङ्फेले सभामुखको टुङ्गो नलागेसम्म पदबाट राजीनामा नदिने अडान लिनु भएको छ । तर नेकपाले भने उहाँलाई पदबाट राजीनामा दिन लगाएर सभामुख चयनमा सहयोग गर्न आग्रह गरेको छ ।

संविधानको धारा ९१ को उपधारा २ मा प्रतिनिधि सभाको सभामुख र उपसभामुखमध्ये एक जना महिला हुनै पर्ने र फरक दलको प्रतिनिधि हुनु पर्ने उल्लेख छ ।

तर ‘प्रतिनिधि सभामा एकभन्दा बढी दलको प्रतिनिधित्व नभएको वा प्रतिनिधित्व भएर पनि उम्मेदवारी नदिएको अवस्थामा एकै दलको सदस्य प्रतिनिधि सभाको सभामुख र उपसभामुख हुन बाधा पर्ने छैन’ भनिएको छ ।

सदनमा सभामुख नभएको खण्डमा उपसभामुखले सभामुखको चुनावको लागि सूचना प्रकाशन गर्न आदेश दिन सक्ने र मनोनयन दर्ताको दिनसम्ममा राजीनामा दिन सक्ने संसद सचिवालयले जनाएको छ ।

अन्तिम अपडेट: माघ १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्