प्रदेश १ सरकारको निर्णय : मुख्यमन्त्रीका ३ जना विषयगत विज्ञ नियुक्त, प्राधिकरणको निर्देशकमा कोइराला

माघ १३, २०७६ सोमबार १९:२३:२१ | सुमन तिमल्सिना

माेरङ - प्रदेश १ काे प्रदेश सभाको पाँचौ तथा हिउँदे अधिवेशन यही माघ २३ गते ३ बजे आह्वान गर्न प्रदेश मन्त्रिपरिषद बैठकले प्रदेश प्रमुखसमक्ष सिफारिस गर्ने निर्णय गरेको छ । साेमबार मुख्यमन्त्री तथा मन्त्रिपरिषदको कार्यालयमा बसेकाे बैठकले अधिवेशन आह्वानका लागि सिफारिस गर्ने निर्णय गरेकाे हाे ।

यस्तै बैठकले मुख्यमन्त्रीका सल्लाहकारहरु नियुक्त गर्ने निर्णय पनि गरेको छ ।

मन्त्रिपरिषदको बैठकले मुख्यमन्त्री शेरधन राइको जनसम्पर्क सल्लाहकारमा रामकुमार बस्नेत, आर्थिक सल्लाहकारमा डा. महेन्द्रबहादुर गुरुङ र सुचना प्रविधि सल्लाहकारमा किशोर सुवेदीलाई विज्ञको रुपमा नियुक्त गर्ने निर्णय गरेकाे छ ।

त्यस्तै बैठकले सार्वजनिक नीजि, साझेदारी लगानी प्राधिकरणको प्रमुख कार्यकारी निर्देशकमा डा. सरोज कोइरालालाई नियुक्त गर्ने निर्णय गरेको छ ।

मन्त्रिपरिषदले ५ वटा विधेयक प्रदेश सभामा पठाउन स्वीकृत प्रदान गरेको छ । प्रादेशिक औद्योगिक व्यवसाय सम्बन्धमा व्यवस्था गर्न बनेको विधेयक, प्रदेश बन बिधेयक, प्रदेश वातावरण संरक्षण सम्बन्धमा व्यवस्था गर्न बनेको विधेयक, प्रदेश जनस्वास्थ्य सम्बन्धमा व्यवस्था गर्न बनेको विधेयक र प्रदेश बालबालिकाको अधिकार सम्बन्धमा व्यवस्था गर्न बनेको विधेयक प्रदेश सभामा पेश गर्न स्वीकृत प्रदान गर्ने निर्णय भएको प्रदेश सरकारका आर्थिक मामिला तथा योजना मन्त्री ईन्द्रबहादुर आङ्बोले जानकारी दिनुभयो ।

प्रदेश सरकारले सुर्तिजन्य पदार्थ नियमन र नियन्त्रणयुक्त प्रदेश बनाउने बारेमा पनि निर्णय भएको छ । यो निर्णय मंगलबारदेखि नै लागू गर्ने तयारी प्रदेश सरकारको छ ।

मंगलबारदेखि नै प्रदेश मन्त्रालय आसपासका एक सय मिटरको दुरीमा सुर्ती तथा सुर्तिजन्य पदार्थको बेचबिखन र प्रयोग गर्न नपाउने गरी अभियान सुरु हुने मन्त्री आङ्बोले बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्