ए डिभिजन लिग : अन्तिम चरणका खेल सुरु, तीन खेल हुँदै

फागुन १, २०७६ बिहीबार ८:३०:४२ | उज्यालो सहकर्मी

काठमाण्डाै – शहीद स्मारक ए डिभिजन लिगअन्तर्गत बिहीबारदेखि अन्तिम चरणका खेलहरु सुरु हुँदैछन् ।

एन्फा कम्प्लेक्स मैदानमा बिहीबार तीन वटा खेल हुँदैछन् । तीन खेलमध्ये सबैको नजर दोस्रो खेलमा हुनेछ । जुन खेलले 'बी' डिभिजनमा झर्ने दोस्रो टिमकाे टुङ्गो लाग्नेछ ।

दिउँसो १२ः१५ बजे विभागीय क्लब एपीएफ र ब्रिगेड ब्वाइज प्रतिस्पर्धा गर्दैछन् । १२औँ चरणको खेल सकिँदा ब्रिगेड ब्वाइज र एपीएफ समान आठ–आठ अङ्कका साथ पुछारबाट क्रमशः दोस्रो र तेस्रो स्थानमा छ ।

याे खेलमा जित हात पार्ने टोली रेलिगेशनबाट बच्नेछ । यदि खेल बराबरी भएमा ब्रिगेड ब्वाइज रेलिगेशनमा पर्नेछ । गोल अन्तरका आधारमा एपीएफ अघि छ ।

एपीएफले १४ गोल गर्दै २० गोल खाँदा उसकाे गोल अन्तर –६ रहेको छ । ब्रिगेड ब्वाइजले भने चार गोल गरेर १४ गोल खाएको छ । रेलिगेशनबाट बच्न ब्रिगेड ब्वाइजलाई तीन अङ्क अनिवार्य छ । यसअघि सरस्वती युथ क्लब रेलिगेशनमा परिसकेको छ ।

बिहीबार सरस्वतीले शीर्ष डिभिजनको अन्तिम खेल खेल्दैछ । दिउँसो साढे ३ बजे एन्फा कम्प्लेक्स मैदानमा सरस्वती र सङ्कटा क्लब प्रतिस्पर्धा गर्दैछन् ।

संकटा १५ अङ्क बनाउँदै नवौँ स्थानमा छ । आजको जितले सङ्कटाको 'सुपर सिक्स' को स्थान सुरक्षित बनाउनेछ । तर त्यसअघि नेपाल पुलिस क्लबले खेल्दैछ । विभागीय टोली पुलिसले बिहान सवा आठ बजेपछि हुने खेलमा फ्रेण्ड्स क्लबसँग प्रतिस्पर्धा गर्दैछ ।

याे खेलमा जित हात पारेको खण्डमा नेपाल पुलिस क्लबले छैटौँ स्थान हासिल गर्नेछ । पुलिसको १७ अङ्क छ । फ्रेण्ड्सको भने १४ अङ्क छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्