बाजुरामा महिनावारी हुँदा पनि विद्यालय जाने शिक्षिका र छात्राको संख्या बढ्याे

फागुन २४, २०७६ शनिबार १०:२:१२ | निमेन्द्र शाही

बाजुरा - बुढीनन्दा नगरपालिकामा महिनावारी हुँदा पनि विद्यालय जाने शिक्षिका तथा छात्राको संख्या बढ्न थालेको छ ।

दुई वर्ष अघिसम्म वार्षिक परीक्षाका समयमा महिनावारी भएमा छात्रालाई घरमै प्रश्नपत्र लगिदिनुपर्ने बाध्यता रहेको भएपनि अहिले उनीहरु विद्यालय आउन थालेका भावना आधारभूत विद्यालयका निमित्त प्रधानाध्यापक दिनानाथ चौधरीले बताउनुभयो ।

विद्यालय नजिकै मन्दिर भएका भावना आधारभूत विद्यालय, बूढीनन्दा आधारभूत विद्यालय, देवलडाँडा माध्यमिक विद्यालय लगायतका शिक्षिका र महिनावारी सुरु भएका छात्राहरु वर्षमा ६० दिन विद्यालय छाड्न बाध्य हुने गरेकोमा अहिले महिनावारीको समयमा पनि विद्यालय आउन थालेका देवलडाँडा माध्यमिक विद्यालयका प्रधानाध्यापक प्रह्लाद श्रेष्ठले बताउनुभयो ।

महिनावारी हुँदा पनि विद्यालय आउन पाउपछि विद्यालयमा पढाइ र शैक्षिक उपलब्धिसँगै महिलाको स्वास्थ्य र सुरक्षामा पनि सुधार हुँदै गएको भावना आधारभूत विद्यालयका शिक्षिका बेलकुमारी रोकायाले बताउनुभयो । धेरैजसोले कुरा बुझेर महिनावारी हुँदा बिद्यालय आउने गरेको भएपनि केहीमा अभिभावाकले नपठाउने गरेकोले सम्झाउने काम भैरहेको शिक्षिका रोकायाले बताउनुभयो ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निमेन्द्र शाही

बाजुराका पत्रकार निमेन्द्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्