कार्यालय सहयोगीमाथि हातपात गर्ने वडाध्यक्षले लिखित रुपमा माफी मागे

फागुन २६, २०७६ सोमबार १७:४७:५६ | हेमराज शर्मा

दाङ – आफ्नै वडा कार्यालयका सहयोगीलाई कुटपिट गर्ने दाङको घोराही उपमहानगरपालिका वडा नम्बर ४ का अध्यक्ष भीमबहादुर सार्कीले लिखित रुपमा माफी मागेका छन् ।

दुवै पक्षका बिचमा साेमबार दिउँसाे जिल्ला प्रहरी कार्यालय दाङमा भएको छलफलमा वडाध्यक्ष सार्कीले आफूबाट गल्ती भएको भन्दै लिखित रुपमा माफी मागेका हुन् ।

कार्यालय सहयोगीमाथी कुटपिट गर्नु आफ्नो गल्ती भएको भन्दै आउँदा दिनमा यस्तो गल्ती नहुने वडाध्यक्षले प्रतिबद्धता व्यक्त गरेका छन् ।

कुटपिटकाे विरोधमा स्थानीयबासीले घोराहीमा प्रर्दशन र नाराबाजी गरेका थिए । आफ्नै वडा कार्यालयको सहयोगी पतिराम चौधरीलाई कुटपिट गर्ने वडाध्यक्ष सार्कीलाई कारबाही गर्न माग गर्दै स्थानीयबासीले जिल्ला प्रशासन कार्यालय, जिल्ला प्रहरी कार्यालय र घोराही उपमहानगरपालिकाकाे मूलद्वारमा प्रर्दशन एवं नाराबाजी गरेका थिए ।

प्रर्दशनपछि जिल्ला प्रहरी कार्यालयले आह्वान गरेको छफलमा लिखित सहमति भएको थियो ।

यसअघि गएकाे शुक्रबार आफूलाई कुटपिट गरेको भन्दै कार्यालय सहयोगी पतिराम चौधरीले जिल्ला प्रशासन कार्यालय र जिल्ला प्रहरी कार्यालयमा उजुरी दर्ता गराएका थिए ।

सम्बन्धित समाचार

सहयोगीलाई कुटपिट गर्ने वडाध्यक्षविरुद्ध प्रहरीमा उजुरी

अन्तिम अपडेट: मंसिर २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्