डाक्टर केसी र सरकारबीच भएको सहमतिको कांग्रेसद्वारा स्वागत

वार्ताँ भाँड्ने प्रयत्न गरेको आरोपमा आपत्ति

साउन ११, २०७५ शुक्रबार १८:१९:१२ | उज्यालो सहकर्मी

काठमाडौं – नेपाली कांग्रेसले डाक्टर गोविन्द केसी र नेपाल सरकारबीच भएको सहमतिको स्वागत गरेको छ ।

पार्टी केन्द्रीय कार्यालय सानेपामा शुक्रबार पत्रकार सम्मेलन गर्दै कांग्रेसले सहमतिको स्वागत गर्दै सहमतिको इमान्दार कार्यान्वयनले मुलुकको चिकित्सा शिक्षा सुधारमा महत्वपूर्ण योगदान पुग्ने विश्वास व्यक्त गरेको हो ।

सहमति कार्यान्वयन हुने विश्वासका साथ संघीय संसदमा दर्ता भएको चिकित्सा शिक्षा विधेयकमाथिको विरोधको सूचना पनि फिर्ता लिएको काग्रेसले जनाएको छ । तर कांग्रेसले वार्ता भाँड्ने प्रत्यत्न गरेको भन्ने नेकपाका नेताको अभिव्यक्तिप्रति भने आपत्ति जनाएको छ । प्रवक्ता विश्वप्रकाश शर्माले सरकारका असफल निर्णयको दोष कांग्रेसलाई थोपर्ने काम गरिएको भन्दै दुख व्यक्त गर्नुभयो ।

कांग्रेसले आफ्ना एजेण्डा नभएर डाक्टर केसीले उठाएका विषयलाई एजेण्डा बनायो भनेर टिप्पणी गर्नुको औचित्य नभएको भन्दै उहाँले लोकतान्त्रिक चरित्र देखाउन सरकारलाई सचेत गराउनुभयो ।

प्रवक्ता शर्माले कांग्रेसले जिम्मेवार प्रतिपक्षीको रुपमा सरकारका राम्रा कामलाई खुल्ला रुपमा सघाउनुको साथै गलत काम भएमा त्यस्ता काम रोक्नका लागि दबाब दिने बताउनुभयो ।

कांग्रेसले सभामुख र उपसभामुख भिन्न दलको हुनुपर्ने, निषेधाज्ञा, मूल्यवृद्धि लगायत विषयमा सरकारलाई खबरदारी गर्न आउँदो मंगलबार सबै जिल्ला सदरमुकाममा गर्न लागिएको विरोध प्रर्दशनलाई प्रभावकारी बनाउन कार्यकर्तालाई निर्देशन दिएको छ ।

अन्तिम अपडेट: माघ २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्