धार्चुला क्वरेण्टीनमा बसेर अछाम आइपुगेकालाई फेरि क्वरेण्टीनमा राखिने

वैशाख २०, २०७७ शनिबार २०:३२:४७ | चन्द्र थापा

अछाम – भारतको धार्चुलामा एक महिनासम्म क्वरेण्टीनमा बसेका ५० जना शनिबार अछाम आइपुगेका छन् । दार्चुला सीमा नाका भएर अछामको ढकारी गाउँपालिका र तुर्माखाँद गाउँपालिकाका ४६ जना पुरुष र चार जना महिला जिल्ला भित्रिएको प्रमुख जिल्ला अधिकारी पूण्यविक्रम पौडेलले जानकारी दिनुभयो ।

उनीहरु सबैलाई २१ दिनसम्म फेरि पनि क्वरेण्टीनमा राखिने पौडेलले जानकारी दिनुभयो । उनीहरुमध्ये केही मात्र क्वरेण्टीनमा बसेकाे र सबै जना एउटै बसमा आएकाले सबैले २१ दिनसम्म क्वरेण्टीनमा बस्नुपर्ने प्रमुख जिल्ला अधिकारी पौडेलको भनाइ छ । उनीहरु केही दिन क्वरेण्टीनमा बसेपछि मात्र र्‍यापिड डायग्नाेस्टिक टेस्ट (आरडीटी) बाट जाँच गरिने जानकारी दिनभयो ।

दुई वटै गाउँपालिकाले क्वरेण्टीनमा बसाउनको लागि सम्पूर्ण तयारी गरिसकेको जानकारी दिएका छन् । ढकारी गाउँपालिकाका प्रमुख प्रशासकीय अधिकृत टेकबहादुर ओलीले केहीलाई गाउँपालिकाको क्वरेण्टीन र केहीलाई वडाले निर्माण गरेको क्वरेण्टीनमा राख्ने व्यवस्था गरिएको जानकारी दिनुभयो ।

अछामलगायत बाजुरा र सुर्खेतका गरी एक सय ६७ जना शनिबार बिहान डोटी र अछामको सीमा नाका चौखुट्टे पुगेका थिए । तीमध्ये ५० जना अछाम, ९५ जना बाजुरा र २२ जना सुर्खेतका रहेको जनाइएको छ ।

सबैको सामान्य जाँचपछि मात्रै गन्तव्यतर्फ पठाइएको दुनी स्वास्थ्य चौकीका सीएमए रेश्मी कुँवरले जानकारी दिनुभयो । उनीहरुको अवस्था सामान्य रहेको पाइएको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

चन्द्र थापा

अछामका उज्यालो सहकर्मी चन्द्र थापा रेडियो रामारोशनमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्