घुमन्ते भारतीय व्यापारीलाई क्वरेण्टीनमा राखियो

वैशाख २०, २०७७ शनिबार २०:२१:३५ | हेमराज शर्मा

दाङ – घुमन्ते व्यापार गर्दै आएका आठ जना भारतीय व्यापारीलाई क्वरेण्टीनमा राखिएकाे छ । उनीहरुसँगै अन्य दुई जनालाई पनि घोराही उपमहानगरपालिकाको कुईरेपानीमा रहेको क्वरेण्टीनमा राखिएको छ ।

तुलसीपुर क्षेत्रमा काटेका र झरेका कपाल सङ्कलनको व्यापार गर्दै आएका आठ जना र घोराही १४ मा मासु पसल सञ्चालन गर्दै आएका दुई जनालाई क्वरेण्टीनमा राखिएको हो ।

शुक्रबार राति साइकलबाट आएका आठ जना भारतीय नागरिका घोराही बजारमा फेला परेका थिए । उनीहरुसँग चिनजान रहेका घोराही १४ का दुई जनाको पनि भेटघाट भएको पाइएपछि १० जनालाई क्वरेण्टीनमा राखिएको घोराही उपमहानगरका प्रमुख नरुलाल चौधरीले जानकारी दिनुभयो ।

तर उनीहरुले तीन महिनादेखि तुलसीपुर बसपार्क क्षेत्रमा बसेर कपाल खरिद गर्दै आएको बताएका छन् । भारतबाट आएका व्यक्तिहरुमा कोरोनाको सङ्क्रमण देखिरहेकाले उनीहरुलाई क्वरेण्टीनमा राख्नु परेको नगर प्रमुख चौधरीको भनाइ छ ।

उनीहरुलाई कम्तीमा १४ दिन क्वरेण्टीनमा राखिने छ । यसैबीच कुईरेपानी क्वरेण्टीनमा रहेका ६ जनाको र्‍यापिड जाँचमा कोरोना नदेखिएपछि आज घर पठाइएको छ । उनीहरुले घरमा पनि दुई हप्ता परिवारका सदस्यहरुसँग घुलमिल गर्ने छैनन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।