इप्पानले सरकारलाई दियो १ करोड ११ लाख रुपैयाँ

जेठ २, २०७७ शुक्रबार १३:२९:२५ | उज्यालो सहकर्मी

काठमाण्डाै – स्वतन्त्र ऊर्जा उत्पादक सङ्घ (इप्पान) ले कोरोना भाइरस रोकथाम, नियन्त्रण तथा उपचारका लागि सरकारले स्थपना गरेको राहत कोषमा एक करोड ११ लाख ११ हजार एक सय ११ रुपैयाँ आर्थिक सहयोग प्रदान गरेको छ ।

इप्पान अध्यक्ष शेलेन्द्र गुरागाईंले ऊर्जा, जलस्राेत तथा सिँचाइ मन्त्री वर्षमान पुन 'अनन्त'मार्फत शुक्रबार चेक कोरोना कोषलाई उपलब्ध गराउनुभएको हो । चेक बुझेपछि मन्त्री पुनले आफै समस्यामा रहेका बेलासमेत दायित्व बोध गरेर कोरोनाविरुद्धको सरकारी अभियानमा ऐक्यबद्धता जनाएकाेमा इपानलाई धन्यवाद दिनुभयो ।

इपानले आफू सम्बद्ध ६६ जना व्यवयासीबाट व्यक्तिगत रुपमा रकम सङ्कलन गरी रकम जम्मा गरेको जनाएको छ ।

'कोरोनाकै बीच बाँच्न र काम गर्न सिक्नुपर्छ'

कार्यक्रममा मन्त्री पुनले अहिलेसम्म कोरोनाविरुद्धको खाेप पत्ता नलागेको र वैज्ञानिहरुले समेत अनिश्चितकालसम्म महामारी रहिरहन सक्ने बताएकाले महामारीकै बीच बाँच्न र काम गर्नका लागि अभ्यस्त हुनुपर्ने अवस्था आएको औँल्याउनुभयो । उहाँले अनिश्चतकालसम्म बन्द गर्दा अर्थतन्त्रमा थप नकारात्मक असर पर्ने देखेर लकडाउनकै बीच सरकारले ठूला विकास निर्माणका आयोजना र उद्योगभन्दा सञ्चालन सहज बनाउने निर्णय गरेको उल्लेख गर्नुभयो ।

मन्त्री पुनले लकडाउनकाे कारण क्षति व्यहाेरेका निजी क्षेत्रका जलविद्युत् आयोजनालाई अवस्था सामान्य भएपछि सरकार, निजी क्षेत्र र वित्तीय क्षेत्रका प्रतिनिधिहरु सम्मिलित सर्वपक्षीय कार्यदल गठन गरी आवश्यक क्षतिपूर्तिको व्यवस्था मिलाइने जानकारी व्यवसायीहरुलाई दिनुभयो । उहाँले त्यसकाे लागि विश्व बैंक र एसियाली विकास बैंकजस्ता दाताहरुसँग परामर्श गरेर ‘राहत फण्ड’ बनाउनेबारे मन्त्रालयले गृहकार्य गरिरहेको स्पष्ट गर्नुभयो ।

यस्तै मन्त्री पुनले विविध कारणले रुग्ण अवस्थामा रहेकाे जलविद्युत् आयोजनाहरुलाई पुनर्जीवन दिनेबारे समेत मन्त्रालयले सोचिरहेको बताउनुभयो । ‘काबुबाहिरको परिस्थितिका कारण उद्योगी व्यवसायीलाई मार परेको छ, बाहिरको परिस्थितिकाे कारण उद्योगी व्यवसायीलाई मार परेको छ’, मन्त्री पुनले भन्नुभयो, ‘सरकारले राहत दिन्छ, त्यसकाे लागि अहिले भएकाे ऐन/कानून पर्याप्त नभए संसद्बाटै कानुन निर्माण गर्नुपर्ने हुन सक्छ ।’

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्