भारतबाट मजदुरी गरेर फर्किएकालाई वडा स्तरका क्वरेण्टीनमा राख्न सुरु

जेठ ६, २०७७ मंगलबार १७:५९:३१ | हेमराज शर्मा

दाङ - दाङको घोराही उपमहानगरपालिकाले वडा स्तरमा क्वरेण्टीन निर्माण गरी भारतबाट आएकाहरुलाई राख्न सुरु गरेको छ ।

कोरोना सङ्क्रमण रोकथाम गर्न भारतबाट मजदुरी गरेर फर्किएका व्यक्तिहरुलाई वडा स्तरमै क्वरेण्टीन निर्माण गरी राख्न थालिएको हो ।

भारतमा बेखर्ची भएर बसेका र सीमामा आएर अलपत्र परेका नगरबासीहरुलाई उपमहानगरले नाकामै पुगेर गाडीमार्फत सम्बन्धित वडामा पुर्याउने र क्वरेण्टीनमा राख्ने नीति लिएको छ ।

उपमहानगरका १९ वटै वडाले विद्यालय तथा सामुदायिक भवनहरुलाई क्वरेण्टीन बनाएका छन् । ती क्वरेण्टीनमा एक सय ९ जना बस्दै आएको जनस्वास्थ्य प्रवर्धन शाखाले जानकारी दिएको छ । तीमध्ये भारत र नेपालका विभिन्न जिल्लाबाट आएका व्यक्तिहरु छन् ।

उनीहरुलाई दुईवटा बस परिचालन गरी कपिलवस्तुको कृष्णनगर पुगेर उपमहानगरले उद्धार गरी ल्याएको हो । अधिकांश वडाले क्वरेण्टीन बनाइसकेका छन् भने केहीले निर्माणलाई अन्तिम चरणमा पुर्याएका छन् ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्