बाजुराकी २ वर्षीया बालिकाकाे काेराेनाकाे कारण मृत्यु भएकाे पुष्टि

जेठ १८, २०७७ आइतबार १४:३७:५० | निमेन्द्र शाही

बाजुरा – बाजुराकी दुई वर्षीया बालिकाकाे काेराेना भाइरसकाे कारण मृत्यु भएकाे पुष्टि भएकाे छ । जिल्ला अस्पतालकाे आइसोलेशनमा राखिएकी बूढीगङ्गा नगरपालिका १ घर भएकी दुई वर्षीया बालिकाकाे आइतबार बिहान मृत्यु भएको थियो ।

उनको मृत्यु भएपछि स्वाब परीक्षणकाे लागि सेती प्रादेशिक प्रयोगशालमा पठाइएको थियो । आइतबार दिउँसो आएको रिपोर्टमा उनकाे काेराेना भाइरसकाे कारण मृत्यु भएको सुदूरपश्चिम स्वास्थ्य निर्देशनालयले जनाएको छ ।

मृतक बालिकाकी २३ वर्षीया आमालाई पनि कोरोना पुष्टि भएको छ । मृतक बालिकाकाे बुवाको रिपोर्ट भने नेगेटिभ आएको छ । मृतक बालिका, आमा र बुवालाई जेठ १५ गते आइसोलेशनमा राखिएको थियो ।

दुई वर्षीया बालिकामा पखाला, ज्वरो, श्वासप्रश्वासलगायत समस्या देखिएकाे थियाे । बालिकाकाे अवस्था निकै चिन्ताजनक रहेको र उनलाई बचाउन नसकिएको उपचारमा संलग्न चिकित्सकले बताएका छन् ।

आठ दिनअघि उनको परिवार भारतबाट आएकाे थिए । भारतबाट आएका उनीहरुलाई पहिले बूढीगङ्गा नगरपालिकाको क्वरेण्टीनमा राखिएको थियो । पछि बालिका बिरामी भएपछि, बिहीबार साँझ सदरमुकाम मार्तडीमा रहेको आइसोलेशनमा ल्याइएको थियो ।

अब नेपालमा कोरोना सङ्क्रमणबाट ज्यान गुमाउनेको सङ्ख्या आठ पुगेको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निमेन्द्र शाही

बाजुराका पत्रकार निमेन्द्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाजुराकी २ वर्षीया बालिकाकाे काेराेनाकाे कारण मृत्यु भएकाे पुष्टि

प्रतिकात्मक तस्बिर

तपाईको प्रतिक्रिया