दाङमा काेराेना सङ्क्रमित व्यक्तिमा डेङ्गी देखियाे

जेठ १८, २०७७ आइतबार १८:१८:४६ | हेमराज शर्मा

दाङ – दाङको बबई गाउँपालिकाका एक जना कोरोना सङ्क्रमित व्यक्तिमा डेङ्गी भेटिएको छ । बेलझुण्डी कोरोना विशेष अस्पतालको आइसोलशनमा रहनुभएका बबई गाउँपालिका ६ का ३० वर्षीय पुरुषमा जाँच गर्दा आइतबार डेङ्गी भेटिएको हो ।

अस्पतालका हेल्थ असिस्टेन्ट द्राेर्ण वलीले ती व्यक्तिमा ज्वरो आएपछि रगत र पिसाब जाँच गर्दा डेङ्गी (लामखुट्टेको टोकाइबाट हुने) फेला परेको जानकारी दिनुभयो । ती व्यक्तिमा जेठ १६ गते कोरोना भाइरस पुष्टि भएपछि त्यही दिन बेलझुण्डी अस्पताल ल्याइएको वलीले बताउनुभयो ।

एक हप्ता अगाडि भारतबाट आएका ती व्यक्ति बबई गाउँपालिकाले निर्माण गरेको क्वरेण्टीनमा बसेका थिए । कोरोना सङ्क्रमितलाई लामखुट्टेले टोकेपछि हुने डेङ्गी फेला परेपछि त्यही अनुसार उपचार थालिएको अस्पतालका हेल्थ असिस्टेन्ट वलीले जानकारी दिनुभयाे ।

दाङमा यो वर्ष डेङ्गी फेला परेकाे याे पहिलो घटना हो ।

अन्तिम अपडेट: मंसिर २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।