विश्वमा कोरोना सङ्क्रमितको संख्या ८१ लाख नाघ्याे

असार २, २०७७ मंगलबार ९:४६:१९ | उज्यालो सहकर्मी

काठमाण्डाै - विश्वभर कोरोना सङ्क्रमण पुष्टि भएकाको संख्या ८१ लाख नाघेको छ ।

विश्वका विभिन्न देशमा गरी ८१ लाख १३ हजार ६ सय ७९ जनामा कोरोना सङ्क्रमण पुष्टि भएकोमा ४२ लाख १३ हजार ६ सय ३ जना निको भएका वर्ल्डओमिटरले जनाएको छ । ४ लाख ३९ हजार ८५ जनाको भने कोरोना सङ्क्रमणका कारण ज्यान गएको छ ।

यसैबीच भारतमा लकडाउन खुकुलो भएसँगै कोरोना सङ्क्रमित र ज्यान गुमाउनेको संख्या झण्डै दोब्बरले बढेको भन्दै चिन्ता व्यक्त गरिएको छ ।

गएको जेठ १९ गतेदेखि खुकुलो पारिएको लकडाउनका कारण १५ दिनमै कोरोना सङ्क्रमितको संख्या झण्डै दोब्बरले बढेको छ । जेठ १८ गतेसम्ममा १ लाख ८२ हजारमा कोरोना पुष्टि भएकोमा १५ दिनमा बढेर आज सङ्क्रमितको संख्या ३ लाख ४३ हजार नाघेको छ ।

लकडाउन खुकुलो भएपछि दिल्ली र मुम्बईमा धेरै असर परेको भारतीय सञ्चारमाध्यमले जनाएका छन् । सङ्क्रमितका हिसाबले भारत अमेरिका, ब्राजिल र रुस भन्दापछि चौथो स्थानमा छ ।

कोरोना सङ्क्रमित र ज्यान गुमाउनेको संख्या बढेसँगै भारतीय प्रधानमन्त्री नरेन्द्र मोदीले अब के गर्ने भन्ने बारेमा निर्णय गर्न आज सबै राज्यका मुख्यमन्त्रीसँग छलफल गर्दै हुनुहुन्छ ।

यसैबीच चीनको राजधानी बेइजिङमा कोरोना सङ्क्रमित बढेसँगै स्कुलसँगै खेल र मनोरन्जन केन्द्रहरु फेरि बन्द गरिएको छ । कोरोना सङ्क्रमणको दोस्रो लहर सुरु भएको भन्दै चिन्ता व्यक्त गरिएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्